MNP - ဧပြီ ၂၉
ရခိုင်ပြည်နယ်၊ မောင်တောခရိုင်၊ ဘူးသီးတောင်မြို့၌ မြို့နယ်စီမံအုပ်ချုပ်ရေးအဖွဲ့နှင့် ဌာနဆိုင်ရာ ပုံမှန်လုပ်ငန်းညှိနှိုင်း အစည်းအဝေးကို မြို့နယ်အထွေထွေအုပ်ချုပ်ရေး ဦးစီးဌာန အစည်းအဝေးခန်းမ၌ ယမန်နေ့နံနက် ၁၀ နာရီအချိန်က ကျင်းပခဲ့ကြသည်။
အဆိုပါလုပ်ငန်းညှိနှိုင်း အစည်းအဝေးတွင် မြို့နယ်စီမံအုပ်ချုပ်ရေး အဖွဲ့ဥက္ကဋ္ဌ ဦးကျန်အေးက ပါဠိပထမပြန်စာမေးပွဲ အောင်မြင်စွာ ကျင်းပနိုင်ရေးနှင့် ကိုဗစ်-၁၉ရောဂါ ကာကွယ်ဆေး အကြိမ်ရေ အပြည့်အဝထိုးနိုင်ရေးတို့ကို ဆွေးနွေးခဲ့ရာ မြို့နယ်စီမံအုပ်ချုပ်ရေးအဖွဲ့ဝင် ဗိုလ်မှူးငြိမ်းချမ်းဦးနှင့် မြို့နယ်ဆရာဝန်ကြီး ဒေါက်တာစောမင်းသိန်းတို့က အသက် ၁၅ နှစ်မှ ၁၈ နှစ်အထိ ထိုးနှံမည့် အစီအစဉ်များ၌ ဝန်ထမ်းမိသားစုဝင် သား/သမီးများ ထိုးနှံနိုင်ရေး ဌာနဆိုင်ရာများနှင့် ရပ်ကွက်၊ကျေးရွာ တာဝန်ခံအုပ်ချုပ်ရေးမှူးများအနေဖြင့် ပူးပေါင်း ဆောင်ရွက် ပေးကြပါရန် ဆွေးနွေးခဲ့ကြပြီး တက်ရောက်လာကြသည့် ဌာနဆိုင်ရာ အကြီးအကဲများမှ ဌာနအလိုက် ဆောင်ရွက်နေသည့် လုပ်ငန်းဆောင်ရွက်မှုများနှင့် ပါဠိပထမပြန် စာမေးပွဲအောင်မြင်စွာ ကျင်းပနိုင်ရေးအတွက် ဆွေးနွေးတင်ပြခဲ့ကြရာ ဆွေးနွေး တင်ပြချက်များအပေါ် မြို့နယ်စီမံအုပ်ချုပ်ရေး အဖွဲ့ဥက္ကဋ္ဌက ပြန်လည်ရှင်းလင်းဆွေးနွေးပေးပြီး နိဂုံးချုပ်အမှာစကား ပြောကြားခဲ့ကြောင်း သိရသည်။
သတင်း - လှကျော်
မြန်မာနေရှင်နယ်ပို့စ်
No comments:
Post a Comment