MNP - ဧပြီ ၂၅
ရှမ်းပြည်နယ် (မြောက်ပိုင်း)၊ ကျောက်မဲခရိုင်၊ သီပေါမြို့နယ် ပန်းတိမ်တောင်ရပ်ကွက်ရှိ ရေဟော်ကျောင်းတိုက်ဘုန်းတော်ကြီးသင်ပညာရေးကျောင်းတွင် ပထမအကြိမ်ယဉ်ကျေးလိမ္မာ သင်တန်းရေးဖြေစာမေးပွဲ စစ်ဆေးဆောင်ရွက်ခြင်းကို ယနေ့မွန်းလွှဲ(၁)နာရီက ပထမနေ့အဖြစ် စတင်စစ်ဆေးဖြေဆိုဆောင်ရွက်လျက်ရှိကြောင်း သိရသည်။
အဆိုပါ ယဉ်ကျေးလိမ္မာသင်တန်းတွင် ကျောင်းထိုင်ဆရာတော်နှင့် သီလရှင်ဆရာကြီးတို့က သင်ကြားပြသပေးကာ ကျောင်းသား၊ကျောင်းသူကလေးငယ်များ ဗုဒ္ဓတရားတော်ဆုံးမစာများ၊ ဘုရားစာ၊ ဘုရားရှိခိုးနည်းများကို နားလည်သိရှိသဘောပေါက်စေရန်နှင့် လိမ္မာယဉ်ကျေးလာစေရန်ရည်ရွယ်၍ ဧပြီလ(၁၈)ရက်နေ့မှ (၂၄)ရက်နေ့အထိ(၇)ကြာ သင်ကြားပြသဖွင့်လှစ်ဆောင်ရွက်ပေးတာဖြစ်ကြောင်း၊ သင်တန်းသို့မြို့နယ်အတွင်းရှိ ရှင်သာမဏေများ၊ကျောင်းသား၊ ကျောင်းသူစုစုပေါင်း (၂၀၀)ဦးခန့် တက်ရောက်လျက်ရှိကြောင်းနှင့် ယခုနှစ်မှစတင်၍ ပထမအကြိမ်ဖွင့်လှစ် ဆောင်ရွက်ပေးတာဖြစ်ကြောင်း ၊ စာမေးပွဲကို ယနေ့မွန်းလွှဲ(၁)နာရီမှ စတင်၍ စစ်ဆေးဖြေဆိုဆောင်ရွက်လျက်ရှိပြီးရေးဖြေ၊ နုတ်ဖြေ(၃)ရက် စစ်ဆေးဖြေဆိုဆောင်ရွက်သွားမည်ဖြစ်ကြောင်း ရေဟော်ကျောင်းတိုက် ကျောင်းထိုင်ဆရာတော် ထံမှသိရသည်။
သတင်း - ခင်လေး
မြန်မာနေရှင်နယ်ပို့စ်
No comments:
Post a Comment