MNP ၊ ဧပြီ ၂၅
ရခိုင်ပြည်နယ်၊ သံတွဲခရိုင် ၊ ဂွမြို့နယ်တွင် မြို့နယ်စီမံအုပ်ချုပ်ရေး အဖွဲ့၏ ကြီးကြပ်မှုဖြင့် ကျန်းမာရေးဦးစီးဌာနမှ ဝန်ထမ်းများက ယမန်နေ့က ဂွမြို့နှင့် ကျိန္တလီမြို့ပေါ်ရပ်ကွက်နှင့် ဆပ်သွားကျေးရွာများရှိ ကိုဗစ်-၁၉ ရောဂါ ကာကွယ်ဆေးထိုးနှံရန်ကျန်ရှိသော ဒေသခံပြည်သူများကို ဆေးထိုးနှံမှုတွင် ကျန်ရှိမှုမရှိစေရေးအတွက် ကွင်းဆင်းထိုးနှံ ဆောင်ရွက်ပေး လျက်ရှိကြောင်း သိရသည်။
ထိုသို့ ကာကွယ်ဆေး ထိုးနှံပေးရာတွင် ဂွမြို့နယ်အနေဖြင့် ဒေသခံပြည်သူများ ကိုဗစ်-၁၉ရောဂါ ကင်းဝေးစေရေးအတွက် တစ်မြို့နယ်လုံး ကာကွယ်ဆေး ထိုးနှံမှုရာနှုန်း ပြည့် လွှမ်းခြုံစွာ ထိုးနှံပြီးစီးရေးအတွက်မြို့နယ်ပြည်သူ့ကျန်းမာရေးဌာနမှ ဝန်ထမ်းများက ဆေးထိုးအဖွဲ့များခွဲ၍ ရပ်ကွက်၊ ကျေးရွာများတွင်လည်း ကွင်းဆင်း ထိုးနှံပေးနေကြောင်း သိရပြီး ဆေးထိုးစုရပ်အလိုက် ကာကွယ်ဆေး လာရောက်ထိုးနှံရာ၌ အဆင်ပြေစွာ ထိုးနှံနိုင်ရေးအတွက် မြို့နယ်စီမံ အုပ်ချုပ်ရေး အဖွဲ့ဥက္ကဋ္ဌ ဦးဇာနည်ကျော်က ကွင်းဆင်း ကြည့်ရှုကာ လိုအပ်သည်များကို ဖြည့်ဆည်း ညွှန်ကြား ဆောင်ရွက် ပေးခဲ့ကြောင်း သိရသည်။
သတင်း - ရွှေရည်ဝင်းကျော်
https://t.me/MyanmarNationalPost
No comments:
Post a Comment