MNP ၊ ဧပြီလ ၆
သထုံခရိုင်၊ ဘီးလင်းမြို့နယ်တွင် ၂၀၂၁-၂၂ ခုနှစ် ပညာသင်နှစ်တက္ကသိုလ်ဝင်တန်း စာမေးပွဲကို စာစစ်ဌာန (၂) ခု၌ ဖြေဆို လျှက်ရှိရာ ယနေ့ ဧပြီ ၆ ရက်နေ့တွင် ဇီဝဗေဒဘာသာရပ်နှင့်ဘောဂဗေဒ ဘာသာရပ်များ အား ကျောင်းသား/သူများက အေးချမ်းစွာ ဆက်လက်ဝင်ရောက် ဖြေဆိုလျှက်ရှိကြောင်း သိရှိရသည်။
ယခုနှစ် တက္ကသိုလ်ဝင်တန်းစာမေးပွဲသို့ ဇီဝဗေဒဘာသာရပ် တွင် ဝင်ရောက်ဖြေဆိုရန် စာရင်းပေးသွင်းထားသူ (၁၇၇) ဦးရှိပြီးဝင်ရောက်ဖြေဆိုသူ(၁၆၉) ဦးနှင့် ဘောဂဗေဒ ဘာသာရပ်အားဝင်ရောက်ဖြေဆိုရန်စာရင်းပေးသွင်းထားသူ (၇၇၀) ဦးရှိပြီးဝင်ရောက်ဖြေဆိုသူ (၆၉၇) ဦး ရှိကြောင်း မြို့နယ်ပညာရေးမှူးရုံး မှသိရှိရသည်။
စာမေးပွဲ ဖြေဆိုကြမည့် ကျောင်းသား/သူများ စိတ်အေးချမ်းစွာ ဖြေဆိုနိုင်ရေးအတွက် သက်ဆိုင်ရာ ပူးပေါင်းအဖွဲ့များက ကျောင်းအတွင်း/အပြင် လုံခြုံရေးများထားရှိကာ ကူညီဆောင်ရွက် ပေးလျှက်ရှိကြောင်း သိရှိရသည်။
ထူးနောင် (ဘီးလင်း)
https://t.me/MyanmarNationalPost
No comments:
Post a Comment