MNP - ဧပြီ ၂၃
ရန်ကုန်အနောက်ပိုင်းခရိုင်၊ အလုံမြို့နယ်အတွင်းရှိ ပြည်သူများစားဝတ်နေရေး အဆင်ပြေစေရေးနှင့် ဈေးနှုန်းချိုသာစွာ ဝယ်ယူစားသုံးနိုင်ရေးအတွက် ရန်ကုန်တိုင်းဒေသကြီးအစိုးရ အဖွဲ့၏လမ်းညွှန်ချက်အရ ရန်ကုန်မြို့တော်စည်ပင်သာယာရေးကော်မတီ စီစဉ်မှုဖြင့် ယနေ့နံနက် (၈:၀၀) နာရီအချိန်က အလုံမြို့နယ်ခန်းမရှေ့တွင် အခြေခံစားသောက်ကုန်များဖြစ်သည့် ကြက်ဥနှင့်အသား၊ ငါးများရောင်းချပေးလျက်ရှိပါကြောင်း သိရသည်။
ထို့သို့ရောင်းချပေးခဲ့ရာတွင် ကြက်သားတစ်ပိဿာ (၇၀၀၀ ကျပ်)၊ ဆိတ်သားတစ်ပိဿာ (၂၀၀၀ဝကျပ်)၊ အရိုးအသားတစ်ပိဿာ(၁၂၀၀ဝကျပ်)၊ ကလီစာတစ်ပိဿာ(၉၀၀ဝိ) ၊ အမဲသား တစ်ပိဿာ (၁၂၀၀ဝကျပ်)၊ ဝက်သားအဆီ/အသားတစ်ပိဿာ (၁၀၀၀၀ကျပ်)၊ ဝက်သား လှိုင်းသား/အသားရှယ်တစ်ပိဿာ (၁၂၀၀၀ ကျပ်)၊ နံရိုးတစ်ပိဿာ (၉၀၀ဝကျပ်) ဖြင့် ဈေးနှုန်းချိုသာစွာ ရောင်းချပေးလျက်ရှိကြောင်း သိရသည်။
အဆိုပါဈေးရောင်းချရာနေရာသို့ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌဦးဆန်းထွန်း၊ မြို့နယ်စည်ပင်သာယာအုပ်ချုပ်ရေးမှူး ဦးမောင်မောင်ထွန်းနှင့် စည်ပင်သာယာဝန်ထမ်းများက ဈေးလာရောက်ဝယ်ယူကြသူများ စနစ်တကျဝယ်ယူနိုင်ရေးအတွက် ကူညီဆောင်ရွက်ပေးခဲ့ကြောင်း သိရသည်၊၊
သတင်း - တင်တင်ချို
မြန်မာနေရှင်နယ်ပို့စ်
No comments:
Post a Comment