MNP - ဧပြီ ၂၅
မန္တလေးတိုင်းဒေသကြီး၊ ကျောက်ဆည်မြို့ စုကြီးထန်းတောရပ်ကွက် မြို့တော်ခန်းမတွင် ကိုဗစ်-၁၉ ရောဂါကာကွယ်ဆေးနှင့် ထပ်ဆောင်းကာကွယ်ဆေးများ ဆက်လက်ထိုးနှံပေးလျက်ရှိရာ ယနေ့မွန်းလွဲ (၁၀)နာရီတွင် ကိုဗစ်ကာကွယ်ဆေးထိုးပြီးသူ (၃၁၀၂၃၉)ဦးနှင့် ထပ်ဆောင်းကာကွယ်ဆေးထိုးပြီးသူ (၆၄၅၄)ဦး ထိုးနှံပြီးဖြစ်ကြောင်း မြို့နယ်ကိုဗစ်-၁၉ရောဂါကာကွယ် ထိန်းချုပ်ရေးနှင့် အရေးပေါ်တုံ့ပြန်ရေးကော်မတီထံမှ သိရသည်။
ကိုဗစ်-၁၉ရောဂါ ကာကွယ်ဆေးများထိုးနှံရာတွင် အသက်(၁၂)နှစ်အထက် ကျောင်းသား/ကျောင်းသူများနှင့် အသက်(၁၈)နှစ်အထက်ပြည်သူများ ကျန်ရှိမှုမရှိစေရေး ထိုးနှံပေးလျက်ရှိရာ အသက်(၁၂) နှစ် အထက် ကျောင်းသား/ ကျောင်းသူ(၁၆၅၂၄)ဦးနှင့် ပထမအသုတ်တွင်(၁၉၁၇၉)ဦး၊ ဒုတိယအသုတ်တွင် (၂၈၇၄၄) ဦး၊ တတိယအသုတ်တွင် (၅၂၃၇၅)ဦး၊ စတုတ္ထအသုတ်တွင် (၂၇၈၃၂)ဦး၊ ပဉ္စမအသုတ်တွင် (၃၄၂၁၆) ဦး၊ ဆဌမအသုတ်တွင် (၁၁၅၈၇)ဦး၊ သတ္တမအသုတ်တွင်(၁၆၅၄၀)ဦး၊ အဌမအသုတ်တွင် (၆၅၅၄) ဦး၊ နဝမအသုတ်တွင်(၈၃၃၇၈)ဦး၊ ဒဿမအသုတ်တွင် (၁၃၃၆၄)ဦး စုစုပေါင်း(၃၁၀၂၃၉)ဦးနှင့် ထပ်ဆောင်းကာကွယ်ဆေးထိုးပြီးသူ(၆၄၅၄)ဦး ထိုးနှံပြီးဖြစ်ကြောင်း သိရသည်။
ကျောက်ဆည်မြို့နယ် ကိုဗစ်-၁၉ရောဂါကာကွယ်ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ အနေဖြင့် ကိုဗစ်-၁၉ရောဂါကာကွယ်ဆေးထိုးနှံရန် ကျန်ရှိမှုမရှိစေရေးအတွက် ရပ်ကွက်/ကျေးရွာများတွင် ကြေညာပေးလျက်ရှိပြီး ကာကွယ်ဆေးထိုးပြည်သူများအဆင်ပြေစေရေး စုကြီးရပ်ကွက် မြို့တော်ခန်းမနှင့် သံရွာ၊ ဖျောက်ဆိပ်ပင်၊ စမာ၊ မင်းစု၊ ဒွေးလှ၊ ရဲရွာကျေးရွာများရှိ ကျေးလက်ကျန်းမာ ရေးဆေးရုံးများတွင် ကာကွယ်ဆေးများ ဆက်လက်ထိုးနှံပေးလျက်ရှိကြောင်း သိရသည်။
သတင်း - သက်မောင်
မြန်မာနေရှင်နယ်ပို့စ်
No comments:
Post a Comment