MNP - ဧပြီ ၆
မန္တလေးတိုင်းဒေသကြီး၊ ကျောက်ဆည်ခရိုင်၊ စဉ့်ကိုင်မြို့နယ် အတွင်း ကိုဗစ်-၁၉ဗီဇပြောင်းမျိုးကွဲ အိုမီခရွန်ကြိုတင်ကာကွယ်ရေး အသိပညာပေးနှိုးဆော်ခြင်းလုပ်ငန်းများကို ယနေ့ နံနက် ၉ နာရီ ကသင်္ဂတုံ ကျေးရွာအတွင်းရှိ လမ်းဆုံနေရာများတွင် မြို့နယ်ပြန်ကြားရေးနှင့်ပြည်သူ့ဆက်ဆံရေး ဦးစီးဌာနမှ ဝန်ထမ်းများ၊ ကျန်းမာရေးဝန်ထမ်းများ၊ ကျေးရွာအုပ်ချုပ်ရေးအဖွဲ့ဝင်များနှင့် ပရဟိတ အဖွဲ့ဝင်များကHand Speaker ဖြင့်လှည့်လည် နှိုးဆော်ခြင်းများ ဆောင်ရွက်ခဲ့ကြောင်းသိရသည်။
အဆိုပါ နှိုးဆော်ချက်များတွင် အသက်ရှူလမ်းကြောင်းဆိုင်ရာ ကိုဗစ်-၁၉ ရောဂါသည် မြန်မာနိုင်ငံ အတွင်းကူးစက်ပြန့်ပွားမှုယခုအခါပိုမိုများပြားလာခြင်း၊ကိုဗစ်-၁၉ရောဂါသည် ရောဂါလက္ခဏာ မပြသူများထံတွင်လည်းရောဂါပိုးကူးစက်ခံရမှုများရှိနေခြင်းကြောင့် ကိုဗစ်-၁၉ရောဂါ ကူးစက်မှု မရှိစေရေး ကြိုတင်ထိရောက်စွာကာကွယ်ထိန်းချုပ်နိုင်ရေး အတွက်မိဘပြည်သူများအနေဖြင့် လက်ရှိဖြစ်ပေါ်နေသော ကိုဗစ်-၁၉ ဗီဇပြောင်းမျိုးကွဲအိုမီခရွန်ကြိုတင်ကာကွယ်နိုင်ရန်အတွက် အတတ်နိုင်ဆုံး နေအိမ်အတွင်းသာ နေထိုင်ကြရန်၊မိမိအိမ်တွင်ပြင်ပမှလာသော ဧည့်သည်များ လက်မခံရန်နှင့်မိမိကလည်း အခြားသူများထံသွားရောက်ခြင်းမပြုရန်၊ မဖြစ်မနေအရေးကြီး ကိစ္စ ကြောင့်နေအိမ်ပြင်ပသို့ထွက်ခွာပါကနှာခေါင်းစည်း(Mask)ကို စနစ်တကျ တပ်ဆင်ရန်၊ လက်ကို ဆေးကြောခြင်းမပြုဘဲပါးစပ်၊ နှာခေါင်းနှင့်မျက်စေ့တို့ကို ပွတ်သပ်ခြင်း၊ ကိုင်တွယ်ခြင်း၊ ထိတွေ့ ခြင်းမပြုလုပ်ကြရန်နှင့်နှာခေါင်းစည်း (Mask) မတပ်ဆင်သူများနှင့် တွေ့ဆုံခြင်း၊ စကားပြောခြင်း၊
လေဝင်လေထွက်မကောင်းသော အခန်းများကို ရှောင်ရန်နှင့်မိမိတို့ နေအိမ်များကို ပြူတင်းတံခါး များဖွင့်ပြီး လေဝင်လေထွက်ကောင်းအောင်ပြုလုပ်ကြရန်၊ အသုံးပြုပြီးသောနှာခေါင်းစည်း(Mask) များကို စနစ်တကျစွန့်ပစ်ရန်နှင့် ကိုဗစ်-၁၉ ရောဂါကူးစက်ခံစားနေရသည်ဟု သံသယရှိပါက နီးစပ်ရာကျန်းမာရေးဌာနများနှင့် ဆက်သွယ်၍ မပျက်မကွက် စစ်ဆေးကုသမှုခံယူကြပါရန်၊ ရောဂါကူးစက်ပြန့်ပွားမှုကို အမြန်ထိန်းချုပ်နိုင်ရန် ပြည်သူများအား လုံးလိုက်နာကြပြီး ကြက်စိမ့်ကျေးရွာ အတွင်း အသိပေး နှိုးဆော်ခြင်းများကိုဆောင်ရွက်ခဲ့ကြောင်း သိရသည်။
စဉ့်ကိုင်မြို့နယ်၊ ရပ်ကွက်/ကျေးရွာအုပ်စုအတွင်းရှိအသက်(၁၈)နှစ်အထက်ရှိသော ကိုဗစ်-၁၉ ရောဂါကာကွယ်ဆေး လုံးဝမထိုးနှံရသေးသည့် မိဘပြည်သူများ သက်ဆိုင်ရာဆေးထိုးစုရပ်သို့ ကိုဗစ်ကာကွယ်ဆေးမပျက်မကွက်သွားရောက်ထိုးနှံကြရန်နှင့်ကာကွယ်ဆေးထိုးနှံထားခြင်းမရှိသူများအားထိရောက်စွာစစ်ဆေးကြပ်မတ် အရေးယူခြင်းများ ပြုလုပ်သွားမည်ဖြစ်ပါ၍ သက်ဆိုင်ရာ ဆေးထိုးနှံစုရပ်သို့ မပျက်မကွက်သွားရောက်ထိုးနှံကြရန် Hand Speaker ဖြင့် လှည့်လည်လိုက်လံ အသိပေးနှိုးဆော်ခြင်းများ ဆောင်ရွက်ခဲ့ကြောင်း သိရသည်။
သတင်း - ညိုညိုဝင်း
မြန်မာနေရှင်နယ်ပို့စ်
No comments:
Post a Comment