MNP - ဧပြီ ၂၂
ဧရာဝတီတိုင်းဒေသကြီး၊ ပုသိမ်ခရိုင်၊ သာပေါင်းမြို့နယ် မြို့အဝင်၊ အထွက် စစ်ဆေးရေးဂိတ်တွင် ကိုဗစ်-၁၉ ကာကွယ်ဆေးထိုးနှံပြီးစီးမှု မှတ်တမ်းစာရွက် စိစစ်ပြီး အကြောင်းအမျိုးမျိုးကြောင့် ဆေးမထိုးနှံရသေးပါက ကျန်းမာရေးဌာနက ဆေးခန်းထိုင် ထိုးနှံပေးလျက်ရှိရာ ယမန်နေ့ နံနက် ၉ နာရီအချိန်မှ စတင် ဆောင်ရွက်ပေးလျက်ရှိသည်။
ထိုသို့ မြို့အဝင်၊ အထွက် စစ်ဆေးရေးဂိတ်တွင် ကိုဗစ်-၁၉ ကာကွယ်ဆေး ထိုးနှံပြီးစီးမှု စိစစ်ပြီး ထိုးနှံပေးမှု အစီအစဉ်အား မြို့နယ်စီမံအုပ်ချုပ်ရေး ကောင်စီဥက္ကဋ္ဌ ဦးမင်းဧရာထိုက်၊ အတွင်းရေးမှူး မြို့နယ်ရဲတပ်ဖွဲ့မှူး ရဲမှူးကျော်ခိုင်စိုးနှင့် ရဲတပ်ဖွဲ့ဝင်များ၊ အဖွဲ့ဝင်(၁) ဗိုလ်မှူး အောင်ကျော်သိန်း၊ ကျန်းမာရေးဌာနနှင့် ကိုဗစ်-၁၉ ကာကွယ်၊ ကုသ ထိန်းချုပ်ရေး ကော်မတီအဖွဲ့တို့ ပူးပေါင်းကြီးကြပ်၍ ခရီးသွားပြည်သူများ ကိုဗစ်-၁၉ ကာကွယ်ဆေး ထိုးနှံ ပြီးစီးမှု မှတ်တမ်းစာရွက်တို့ကို စိစစ်စစ်ဆေးပြီး အကြောင်းအမျိုးမျိုးကြောင့် ကိုဗစ်-၁၉ ကာကွယ်ဆေး မထိုးနှံရသေးသော ပြည်သူများအား ရှင်းလင်းဆွေးနွေးပြီး ကာကွယ်ဆေး ထိုးနှံ ပေးလျက်ရှိရာ ယနေ့ မြို့အဝင်ဂိတ် ကိုဗစ်-၁၉ ကာကွယ်ဆေး(၁၀)ဦးတို့ကို ထိုးနှံပေးနိုင်ခဲ့ပြီး နေ့စဉ် မြို့အဝင်၊ အထွက် စစ်ဆေးရေးဂိတ်တို့တွင် ဆက်လက် ထိုးနှံပေးသွားမည်ဖြစ်ကြောင်း သိရသည်။
သတင်း - မျိုးဇော်သိန်း
မြန်မာနေရှင်နယ်ပို့စ်
No comments:
Post a Comment