MNP - ဧပြီ ၃၀
မကွေးတိုင်းဒေသကြီး၊ သရက်ခရိုင်၊ အောင်လံမြို့နယ် လူထုအခြေပြုဗဟိုဌာန (Community Centre) ခန်းမတွင် ယမန်နေ့ မွန်းလွဲ ၂ နာရီက ကလေးအလုပ်သမား ပပျောက်ရေးဆိုင်ရာ အသိပညာပေး ဟောပြောပွဲကို ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူမှုဝန်ထမ်းဦးစီးဌာနနှင့် ပညာရေးဦးစီးဌာနတို့ ပူးပေါင်း၍ ဆောင်ရွက်ခဲ့သည်။
အဆိုပါ ဟောပြောပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူး ဦးမျိုးသိန်းက ကလေးအလုပ်သမား ပပျောက်ရေးနှင့် ပတ်သက်၍ ဟောပြောပွဲဆောင်ရွက်ခြင်း ရည်ရွယ်ချက်များအား ရှင်းလင်းပြောကြားခဲ့ပြီး မြို့နယ်လူမှုဝန်ထမ်းဦးစီးဌာနှ ဒုတိယဦးစီးမှူး ဒေါ်သန်းသန်းနွယ်မှ ကလေး အလုပ်သမား အဓိပ္ပာယ်၊ ကလေးအလုပ်သမားများ၏ အသက်အရွယ် ကန့်သတ်ချက်များ ကလေးအလုပ်သမားပပျောက်ရေး ရည်မှန်းချက်များ၊ ကလေးအလုပ်သမား၏ အလုပ်ချိန်ကန့်သတ်ချက်များ၊ အလုပ်ရှင်များအတွက် ကလေး သူငယ်အခွင့်အရေးဆိုင်ရာမူများ၊ ကလေးသူငယ်အခွင့်အရေးဆိုင်ရာ ဥပဒေများ စသည့်အချက်များကို ရှင်းလင်းဟောပြောခဲ့သည်။
သတင်း - ဦးမျိုးသိန်
မြန်မာနေရှင်နယ်ပို့စ်
No comments:
Post a Comment