MNP - ဧပြီ ၃၀
(၇၆)နှစ်မြောက် မြန်မာနိုင်ငံမီးသတ်တပ်ဖွဲ့နေ့အား ကြိုဆိုဂုဏ်ပြုသောအားဖြင့် ကရင်ပြည်နယ်၊ မြဝတီမြို့ရှိ မြဝတီခရိုင်ပြည်သူ့ ဆေးရုံကြီးတွင် စုပေါင်းသန့်ရှင်းရေးနှင့် စုပေါင်း သွေးလှူဒါန်းပွဲ ဆောင်ရွက်ခြင်းကို ယနေ့နံနက် ၈ နာရီက ပြုလုပ်ကြောင်း သိရ သည်။
ထိုသို့ စုပေါင်းသန့်ရှင်းရေး ဆောင်ရွက်နေမှုများနှင့် သွေးလှူဒါန်းနေမှုများအား မြဝတီခရိုင် စီမံအုပ်ချုပ်ရေးအဖွဲ့ဥက္ကဋ္ဌ၊ ခရိုင်အုပ်ချုပ်ရေးမှူး ဦးစိုးတင့်နှင့် အဖွဲ့ဝင်များ၊ မြို့နယ် စီမံအုပ်ချုပ်ရေးအဖွဲ့ဥက္ကဋ္ဌ၊ မြို့နယ်အုပ်ချုပ်ရေးမှူး ဦးသက်လွင် နှင့်အဖွဲ့ဝင်များနှင့် တာဝန်ရှိ သူများက လာရောက်ကြည့်ရှုအားပေးပြီး သွေးလှူဒါန်းသည့် မီးသတ်တပ်ဖွဲ့ဝင်များအတွက် ခရိုင်အုပ်ချုပ်ရေးမှူး ဦးစိုးတင့်နှင့် တာဝန်ရှိသူများက အာဟာရ ဖြည့် ကြက်ဥများလှူဒါန်းပေး သည်။
အဆိုပါ စုပေါင်းသန့်ရှင်းရေးအား မြဝတီခရိုင်မီးသတ်ဦးစီးဌာနမှ ခရိုင်မီးသတ်ဦးစီးမှူး ဦးဖြိုးမင်းဇော် ဦးဆောင်သော သန္ဓေနှင့် အရန်မီးသတ် တပ်ဖွဲ့ဝင် ၅၂ တို့က မြဝတီခရိုင် ပြည်သူ့ဆေးရုံဝန်းအတွင်း အမှိုက်များ ရှင်းလင်းခြင်းနှင့် မီးရှို့ခြင်း၊ ခြုံနွယ်များ ရှင်းလင်းခြင်းနှင့် ရေမြောင်းများ ဆယ်ယူခြင်းတို့ကို စုပေါင်းဆောင်ရွက်ခဲ့ပြီး သွေးလှူဒါန်းခြင်းကိုလည်း ဆောင်ရွက်ခဲ့ကြောင်း သိရသည်။
သတင်း - ထိန်လင်းအောင်
မြန်မာနေရှင်နယ်ပို့စ်
No comments:
Post a Comment