MNP - ဧပြီ ၅
ရှမ်းပြည်နယ်(အရှေ့ပိုင်း)၊ ကျိုင်းတုံမြို့ ခေမရဋ္ဌဗျာဒိတ်ပေး ရပ်တော်မူဘုရားကြီး အာရုဏ်ခံတန်ဆောင်း၌ အသံမစဲ မဟာပဋ္ဌာန်း ရွတ်ဖတ်ပူဇော်ပွဲ ပဋ္ဌာန်းသိမ်းအောင်ပွဲ အခမ်းအနားကို ယမန်နေ့နံနက် ၉ နာရီက ကျင်းပသည်။
ရှေးဦးစွာ တြိဂံဒေသတိုင်းစစ်ဌာချုပ်၊ တိုင်းမှူးဗိုလ်ချုပ် မျိုးမင်းထွန်း၊ ပြည်နယ်အစိုးရ အုပ်ချုပ်ရေးအဖွဲ့ခွဲ (ရှမ်းအရှေ့)ဥက္ကဋ္ဌ ဦးရဲနိုင်၊ ပြည်နယ်ဒုတိယရဲတပ်ဖွဲ့မှူး ရဲမှူးကြီး အေးသိန်း၊ ဌာနဆိုင်ရာများနှင့် တက်ရောက် လာကြသူများက ကျိုင်းတုံမြို့သံသရာအေး ကျောင်းတိုက် ဆရာတော်ဘုရားထံမှ ငါးပါးသီလခံယူဆောက်တည်ကြပြီး ဆရာတော် သံဃာတော်များအား လှူဖွယ်ပစ္စည်းများ ဆက်ကပ်လှူဒါန်းသည်။ ထို့နောက် ကျိုင်းတုံမြို့ ဝေပုံလ္လ ကျောင်းတိုက် ဆရာတော်က အနုမောဒနာတရား ဟောကြားချီးမြှင့်ပြီး လှူဒါန်းမှု အစုစုတို့အတွက် ရေစက်သွန်းချ အမျှပေးဝေသည်။
ကျိုင်းတုံမြို့ ခေမရဋ္ဌဗျာဒိတ်ပေး ရပ်တော်မူဘုရားကြီး၌ အသံမစဲမဟာမဋ္ဌာန်း ရွတ်ဖတ် ပူဇော်ပွဲကို မတ် ၂၉ ရက်မှ ဧပြီ ၄ ရက်ထိ (၇) ရက်တိုင်တိုင် ပူဇော်ကျင်းပကြောင်းသိရသည်။
သတင်း- အောင်ဇင်မြင့်
မြန်မာနေရှင်နယ်ပို့စ်
No comments:
Post a Comment