MNP - ဧပြီ ၆
မန္တလေးတိုင်းဒေသကြီး ရမည်းသင်းမြို့နယ်၊ ကုက္ကိုကုန်းကျေးရွာတွင် ယမန်နေ့ မွန်းလွဲ ၄ နာရီကျော်ခန့်က မီးကြွင်းမီးကျန်မှတစ်ဆင့် မီးလောင်ကျွမ်းမှုဖြစ်ပွားခဲ့ကြောင်းသိရသည်။
အဆိုပါ မီးလောင်မှုဖြစ်ပွားရာသို့ ခရိုင်မီးသတ်ဦးစီးမှူး ဦးအောင်ခင်ဆင့်ကြီးကြပ်သော မြို့နယ် မီးသတ်ဦးစီးမှူး ဦးသူရလင်း ဦးဆောင်သောမီးသတ်တပ်ဖွဲ့ဝင်များ၊ အရန်မီးသတ်ဖွဲ့ဝင်များနှင့် မီးငြှိမ်းသတ်ယာဉ်(၁)စီး၊ မီးသတ်ရေသည်ယာဉ်(၁)စီးတို့ဖြင့် မီးငြှိမ်းသတ်ခဲ့ရာ ၄ နာရီ ၁၃ မိနစ်ခန့်တွင် မီးငြိမ်းသွားခဲ့သည်။
ဖြစ်စဉ်မှာ ရမည်းသင်းမြို့နယ်၊ ကုက္ကိုကုန်းကျေးရွာနေသူ ဦးအောင်ငွေ၏ နေအိမ်မီးဖိုဆောင်ရှိ မီးကြွင်းမီးကျန်မှတစ်ဆင့် အနီးရှိထရံကာသို့ မီးကူးစက်လောင်ကျွမ်းခဲ့ခြင်းဖြစ်ပြီး သွပ်မိုး၊ ထရံကာ၊ ပျဉ်ခင်း(၂)ထပ် နေအိမ်(၁)လုံးနှင့် သွပ်မိုး၊ ထရံကာ၊ ပျဉ်ခင်း မီးဖိုဆောင်(၁)လုံးတို့မီးလောင်ဆုံးရှုံးခဲ့ပြီး လူနှင့်တိရစ္ဆာန် ထိခိုက်မှုမရှိကြောင်း သိရသည်။
မြန်မာနေရှင်နယ်ပို့စ်
No comments:
Post a Comment