MNP - ဧပြီ ၅
စစ်ကိုင်းတိုင်းဒေကြီး၊ ကလေးခရိုင်၊ ကလေးမြို့တွင် ကိုဗစ်-၁၉ ရောဂါကြောင့် ရပ်နားထားသည့် မြန်မာ့အမျိုးသားလေကြောင်းခရီးစဉ်များကို ဧပြီလ ၈ ရက်နေ့မှစတင်၍ ပြန်လည်ပြေးဆွဲ ပျံသန်းတော့မည်ဖြစ်ကြောင်း ကလေးမြို့မြန်မာ့လေကြောင်းဦးစီးဌာန (MNA) မှ သိရသည်။
မြန်မာ့အမျိုးသား လေကြောင်းလိုင်းခရီးစဉ်များကို ဧပြီလ ၈ ရက်နေ့မှစတင်၍ အပတ်စဉ် တနင်္လာ၊ အင်္ဂါနှင့် သောကြာနေ့များတွင် ရန်ကုန်မြို့နှင့် မန္တလေးမြို့များသို့ ကျန်းမာရေး ဝန်ကြီးဌာနမှ ထုတ်ပြန် ထားသည့် ကျန်းမာရေးညွှန်ကြားချက်များနှင့်အညီ ပျံသန်းပြေးဆွဲ သွားမည်ဖြစ်သည်။
လေယာဉ်လက်မှတ်ဈေးနှုန်းများမှာ ကလေး-ရန်ကုန်မြို့သို့ (၁၄၈၀၀၀)ကျပ်၊ ရန်ကုန်မှ ကလေးမြို့သို့ (၁၅၀၀၀၀)ကျပ်၊ ကလေးမြို့မှ မန္တလေးမြို့သို့ (၁၀၄၀၀၀)ကျပ်နှင့် မန္တလေးမြို့မှ ကလေးမြို့သို့ (၁၀၆၀၀၀) ကျပ် ကျသင့်မည်ဖြစ်ပြီး လက်မှတ်များကို မြန်မာ့အမျိုးသား လေကြောင်းရုံးနှင့် အခြား လက်မှတ်အရောင်းကိုယ်စားလှယ်များထံတွင် ဝယ်ယူနိုင်ကြောင်း သိရသည်။
သတင်း - မောင်ကျော်
မြန်မာနေရှင်နယ်ပို့စ်
No comments:
Post a Comment