MNP - ဧပြီ ၂၅
ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ်၊ စိုက်ပျိုးရေးဦးစီးဌာနက နွေစပါး စံပြကွက်ရိတ်သိမ်းပွဲကို ယမန်နေ့ မွန်းလွဲ (၁)နာရီခန့်က ဆူးကနန်းကျေးရွာအုပ်စု၊ ဂွေးချောင်းလေးကျေးရွာ၊ တောင်သူ ဦးတင်နွယ်ဦး၏ ကွင်း ၁၃၀ ၊ ဦးပိုင်အမှတ် ၁၅/၁၅ လယ်မြေတွင် ကျင်းပခဲ့သည်။
အခမ်းအနားသို့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ပြည်ထောင်စု ဒုတိယဝန်ကြီး ဒေါက်တာအောင်ကြီး၊ စိုက်ပျိုးရေးဦးစီးဌာန ဒုတိယညွှန်ကြားရေးမှူးချုပ် ဦးသူရစိုး၊ ဧရာဝတီတိုင်းဒေသကြီး စိုက်ပျိုးရေးဦးစီးမှူး ဦးစိန်မောင်မြင့်၊ ဒုတိယတိုင်းဒေသကြီးဦးစီးမှူး ဦးကျော်ကျော်လှိုင်၊ လယ်/စီ/အင်းဦးစီးဌာနမှ ဒုတိုင်းဦးစီးဌာနမှူး ဦးစိုးမြင့်နိုင်၊ ခရိုင်စိုက်ပျိုးရေးဦးစီးမှူး ဒေါ်အေးအေးခိုင်၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့် အဖွဲ့ဝင်များ၊ ဌာနဆိုင်ရာအကြီးအကဲများ၊ မြို့နယ်စိုက်ပျိုးရေးဦးစီးဌာနမှ မြို့နယ်ဦးစီးမှူးနှင့် ဝန်ထမ်းများ၊ မြို့နယ် လယ်/စီ/အင်းဦးစီးဌာနမှ မြို့နယ်ဦးစီးမှူးနှင့် ဝန်ထမ်းများ၊ ကျေးရွာအုပ်စု (၉)အုပ်စုမှ တောင်သူများ တက်ရောက်ခဲ့ကြသည်။ အဆိုပါလယ်မြေတွင် သီးထပ်ရင် နွေစပါးစံပြကွက် စိုက်ခင်းအား ရိတ်သိမ်းခဲ့ရာ၌ အခြောက်အထွက်တင်း ၁၀၇.၁၀ တင်းနှုန်း ထွက်ရှိခဲ့ကြောင်း သိရသည်။
သတင်း - ရီရီမြင့်
မြန်မာနေရှင်နယ်ပို့စ်
No comments:
Post a Comment