MNP - ဧပြီ ၂၅
စစ်ကိုင်းခရိုင် ပြန်ကြားရေးနှင့်ပြည်သူ့ဆက်ဆံရေး ဦးစီးဌာနနှင့် စစ်ကိုင်းတောင်ရိုးရှိ အောင်မြဦး ဘုန်းတော်ကြီးသင်ပညာရေး ကျောင်းတို့ပူးပေါင်း၍ အခြေခံကွန်ပျူတာ သင်တန်းဖွင့်ပွဲကို ယနေ့ နံနက်ပိုင်းက အဆိုပါရုံးရှိ လူထုအခြေပြုဗဟိုဌာန၌ ကျင်းပပြုလုပ် ခဲ့ကြောင်း သိရသည်။
သင်တန်းဖွင့်ပွဲတွင် စစ်ကိုင်းခရိုင်ပြန်ကြားရေးနှင့် ပြည်သူ့ဆက်ဆံရေး ဦးစီးဌာန၊ ခရိုင်ဦးစီးမှူး ဦးအောင်အောင်ထွေးက ကျောင်းသား/ကျောင်းသူလူငယ်များ နွေရာသီကျောင်းပိတ်ရက်မှာ အသိပညာ/ အတက်ပညာ အခြေခံများရရှိစေရန် အခြေခံ ကွန်ပျူတာသင်တန်းကို အခမဲ့ဖွင့်လှစ် ပေးခြင်းဖြစ်ကြောင်း၊ အခမဲ့ဆိုပေမဲ့ တန်ဖိုးထား/အလေးထား သင်ကြားသွားကြစေလိုပြီး သင်တန်းဆင်းပါကလည်း ဆက်လက်လေ့လာ အသုံးချသွားကြပါလို့ ပြောကြားလိုကြောင်း စသည်ဖြင့် ဆွေးနွေးပြောကြားခဲ့သည်။
စစ်ကိုင်းခရိုင် ပြန်ကြားရေးနှင့်ပြည်သူ့ဆက်ဆံရေး ဦးစီးဌာနအနေဖြင့် ပြည်သူများ အသိပညာ ဗဟုသုတများ ရရှိနိုင်စေရန် သင်တန်းများဖွင်လှစ်ခြင်း၊ စာအုပ်များငှားရမ်းခြင်း၊ ပြပွဲ/ပြိုင်ပွဲများ ကျင်းပခြင်း၊ Talk Show များ ဆောင်ရွက်ခြင်းတို့ကို စဉ်ဆက်မပြတ် ပြုလုပ်ဆောင်ရွက်ပေး လျက်ရှိကြောင်း သိရသည်။
သတင်း - ဇော်မြင့်နိုင်
မြန်မာနေရှင်နယ်ပို့စ်
No comments:
Post a Comment