MNP - ဧပြီ ၂၄
ပဲခူးတိုင်းဒေသကြီး၊ တောင်ငူခရိုင်၊ အုတ်တွင်းမြို့နယ်၌ စားသုံးသူရေးရာ ဦးစီးဌာနမှ ယနေ့ နံနက်ပိုင်းက မြို့မဈေးကြီးရှိ ကုန်စုံဆိုင်များတွင် အခြေခံလူသုံးကုန်ပစ္စည်းဖြစ်သော PARIS ဆပ်ပြာမွှေးတွင် ကုန်ညွှန်းအမှတ်အသားနှင့် အလေးချိန် ပါဝင်မှုမှန်ကန်ခြင်း ရှိ/မရှိကိုလိုက်လံ ကွင်းဆင်း စစ်ဆေးဆောင်ရွက်ခဲ့ကြောင်း သိရသည်။
အဆိုပါ ကုန်ညွှန်းအမှတ်အသားနှင့် အလေးချိန်ပါဝင်မှုမှန်ကန်ခြင်းရှိ မရှိလိုက်လံကွင်းဆင်း စစ်ဆေးရာတွင်မြို့နယ် အထွေထွေအုပ်ချုပ်ချုပ်ရေးဦးစီးဌာန၊ မြို့နယ်စည်ပင်သာယာရေး ကော်မတီဝင်များ၊ မြို့နယ်စားသုံးသူရေးရာဦးစီးဌာနတို့ ပူးပေါင်းစစ်ဆေးဆောင်ရွက်လျက်ရှိပြီး၊ ကုန်အညွှန်းအမှတ်အသားနှင့် အလေးချိန် ပါဝင်မှုမှန်ကန်ခြင်းရှိမရှိ၊ သတ်မှတ်ချက်များနှင့် ကိုက်ညီ မှုမရှိပဲရောင်းချမှုများ စစ်ဆေးတွေ့ရှိပါက ဥပဒေအရ အရေးယူဆောင်ရွက် သွားမည်ဖြစ်ပါ ကြောင်းအသိပညာပေး ပြောကြားခဲ့ကြောင်း မြို့နယ်စားသုံးသူရေးရာဦးစီးဌာန၊ ဦးစီးမှူးဒေါ်အေးအေးခိုင် ထံမှသိရသည်။
သတင်း - ခင်ခင်မာ
မြန်မာနေရှင်နယ်ပို့စ်
No comments:
Post a Comment