MNP - ဧပြီ ၂၄
ရှမ်းပြည်နယ် (မြောက်ပိုင်း)၊ "ဝ"ကိုယ်ပိုင်အုပ်ချုပ်ခွင့်ရတိုင်း၊ ဟိုပန်ခရိုင်၊ ဟိုပန်မြို့နယ်ရှိ အခြေခံပညာ အထက်တန်းကျောင်းများတွင် ၂၀၂၁-၂၀၂၂ ပညာသင်နှစ် ကျောင်းတွင်းစစ် စာမေးပွဲများ၏ အောင်စာရင်းများကို ယနေ့
နံနက် (၆)နာရီ အချိန်က စတင်၍ ထုတ်ပြန်ကြေညာခဲ့သည်။
၂၀၂၁-၂၀၂၂ ပညာသင်နှစ် ကျောင်းတွင်းစစ်စာမေးပွဲများ အောင်စာရင်းကို ဟိုပန်မြို့နယ် အတွင်းရှိ အထက(၃)ကျောင်း၊ အထက(ခွဲ) (၂)ကျောင်း၊ အလက(၁)ကျောင်း၊ မူလွန်(၈) ကျောင်း၊ အမက(၂၃)ကျောင်း၊ အမက(ခွဲ)(၃) ကျောင်းနှင့် ဘုန်းတော်ကြီး ပညာသင်ကျောင်း (၁)ကျောင်း စုစုပေါင်း အခြေခံပညာကျောင်း (၄၁)ကျောင်းများတွင် ထုတ်ပြန်ကြေညာထား ကြောင်း မြို့နယ်ပညာရေးမှူးထံမှ သိရသည်။
အဆိုပါ ကျောင်းတွင်းစစ်စာမေးပွဲအောင် စာရင်းများသည် ၂၀၂၁-၂၀၂၂ ပညာသင်နှစ်အတွင်း သင်ကြားခဲ့သည့် သင်ရိုးသစ် KG တန်းမှ Grade-10 တန်းအထိ အတန်းလိုက်အောင်စာရင်းများဖြစ်ပြီး ဟိုပန်မြို့နယ်ရှိ မိဘပြည်သူ၊ ကျောင်းသား/သူများ လာရောက်ကြည့်ရှုလျက်ရှိကြောင်း သိရသည်။
မြန်မာနေရှင်နယ်ပို့စ်
No comments:
Post a Comment