MNP - ဧပြီ ၂၉
မကွေးတိုင်းဒေသကြီး၊ သရက်ခရိုင်၊ ကံမမြို့နယ်တွင် ပြန်ကြားရေးနှင့်ပြည်သူ့ဆက်ဆံရေး ဦးစီးဌာနနှင့် ပညာရေးဌာနတို့ ပူးပေါင်း ဖွင့်လှစ်သည့် နွေရာသီအခြေခံအင်္ဂလိပ်စာ သင်တန်းကို ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre ၌ ဖွင့်လှစ်သင်ကြားလျက် ရှိရာ ယနေ့နေ့လယ် ၁ နာရီက သင်တန်းဆင်းပွဲကို ကျင်းပပြုလုပ်ခဲ့သည်။
အဆိုပါ သင်တန်းအား နွေရာသီကျောင်း အားလပ်ရက်ကာလ၌ လူငယ်များ စာပေနှင့် ပတ်သက်၍ အဆက်မပြတ်စေရန်နှင့် အခြေခံအင်္ဂလိပ်စာအား ပိုင်နိုင်ကျွမ်းကျင်စေရန် ရည်ရွယ်၍ ဖွင့်လှစ်ပေးခြင်းဖြစ်ကြောင်း သင်တန်းကာလမှာ (၁၀)ရက် ကြာမြင့်ခဲ့ပြီး အင်္ဂလိပ်စာ သဒ္ဒါပိုင်းနှင့် အသံထွက်ပိုင်းတို့အား အဓိကထား သင်ကြားပို့ချပေးခဲ့ခြင်း ဖြစ်ကြောင်း မြို့နယ်ဦးစီးမှူး ဒေါ်သန်းသန်းဆင့်ထံမှ သိရသည်။
သတင်း - ကျော်ဇေယျဝင်း
မြန်မာနေရှင်နယ်ပို့စ်
No comments:
Post a Comment