MNP ၊ ဧပြီ ၆
တနင်္သာရီတိုင်းဒေသကြီးဝန်ကြီးချုပ်ဖလား အသက် (၁၇)နှစ်အောက် အမျိုးသားဘောလုံးပြိုင်ပွဲ ဗိုလ်လုပွဲနှင့်ဆုချီးမြှင့်ပွဲ အခမ်းအနားကို ယမန်နေ့ ညနေပိုင်းက ထားဝယ်မြို့၊ တိုင်းဒေသကြီးအားကစားကွင်း၌ ကျင်းပခဲ့ကြောင်းသိရသည်။
ရှေးဦးစွာဗိုလ်လုပွဲသို့ တက်ရောက်လာသည့်ထားဝယ်ခရိုင်(က)အသင်းနှင့်ကော့သောင်းခရိုင်အသင်းတို့၏ယှဉ်ပြိုင်ကစား နေမှုကို တိုင်းဒေသကြီး ဝန်ကြီးချုပ်နှင့်ဝန်ကြီးများ၊ ဌာနဆိုင်ရာတာဝန်ရှိသူများ၊ အားကစားသမားများနှင့်အားကစား ဝါသနာရှင်များကကြည့်ရှုအားပေးရာနှစ်ဖက်အသင်း(၂)ဂိုး(၂)ဂိုးဖြင့် သရေရရှိပြီးပယ်နယ်တီအဆုံးအဖြတ်ဖြင့် ကော့သောင်း ခရိုင် အသင်း က အနိုင်ရရှိသည်။
ထို့နောက်ဆုချီးမြှင့်ပွဲအခမ်းအနားကိုဆက်လက်ကျင်းပရာ တိုင်းဒေသကြီးဥပဒေချုပ်က ပွဲစဉ်တစ်လျှောက် အကူအညီပေး သောကြက်ခြေတပ်ဖွဲ့အားဂုဏ်ပြုဆုငွေချီးမြှင့်ပြီး တိုင်းဒေသကြီးတရားလွှတ်တော်တရားသူကြီးချုပ် ဒေါ်ပိုက်ပိုက်အေး နှင့်တိုင်းဒေသကြီးအစိုးရအဖွဲ့ဝန်ကြီးများ က (ရှေ့တန်း၊ အလယ်တန်း၊ နောက်တန်း၊ ဂိုးအကောင်းဆုံးနှင့်ပွဲစဉ်တစ်လျှောက် အကောင်းဆုံး)အားကစားသမားဆုရရှိသူများအားဆုချီးမြှင့်၍ပထမဆုနှင့်ဒုတိယဆုရရှိသော အသင်းများအားတစ်ဦးချင်းဆု နှင့်ငွေသားဆုချီးမြှင့်သည်။
ဆက်လက်၍တိုင်းဒေသကြီးအစိုးရအဖွဲ့ဝန်ကြီးချုပ်ဦးမြတ်ကို က ပထမဆုရရှိသော ကော့သောင်းခရိုင် အသင်းအား တံခွန်စိုက် ဆုဖလား ပေးအပ်ချီးမြှင့်ခဲ့ကြောင်းသတင်း ရရှိသည်။
https://t.me/MyanmarNationalPost
No comments:
Post a Comment