MNP ၊ ဧပြီ ၅
မွန်ပြည်နယ် ကျိုက်ထိုမြို့နယ်တွင် အိုမီခရွန်မျိုးဗီဇပြောင်းကိုဗစ်-၁၉ရောဂါပိုး ကြိုတင်ကာကွယ် သတိပြုနိုင်ကြစေရန် အတွက် အသိပညာပေးနှိုးဆော်ကြေညာခြင်းကို ကျိုက်ထိုမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန မှ ဝန်ထမ်းများက ဧပြီ (၅)ရက်နေ့ နံနက်ပိုင်းက Hand Speaker ဖြင့် မြို့ပေါ်ရပ်ကွက်များအတွင်း အသိပညာပေးဆောင်ရွက်ခဲ့ကြောင်း သိရသည်။
ထိုသို့ အသိပညာပေးဆောင်ရွက်ရာတွင် ပြည်သူများ အနေဖြင့် ကိုဗစ်-၁၉ရောဂါ ကူးစက် ပြန့်ပွားမှုနှုန်း လျော့နည်းကျဆင်းမှုရှိပြီး အခြားနိုင်ငံများတွင်ထပ်မံတွေ့ရှိသည့်မျိုးဗီဇပြောင်းအိုမီခရွန်ရောဂါပိုး ကူးစက်ပြန့် ပွါးမှုကို ကြိုတင်ကာကွယ်နိုင်ရန်အတွက် ပြည်သူများအနေဖြင့် ကျန်းမာ ရေးဝန်ကြီးဌာနမှ ထုတ်ပြန်ထားသည့်ကာကွယ်ရေးနည်းလမ်းများနှင့်အညီ နေထိုင်ကြရန်နှင့် ကာကွယ်ဆေးများကို လည်းတစ်နိုင်ငံလုံးအတိုင်းအတာဖြင့် လွှမ်းခြုံနိုင်မှုအပြည့်အဝရရှိစေရန်၊ ကာကွယ်ဆေးထိုးနှံပေးလျက်ရှိရာ ပြည်သူများအနေဖြင့် မပျက်မကွက်အကြိမ်ရေပြည့်ဝစွာ ထိုးနှံပေး ကြပါရန် အသိ ပညာပေးနှိုးဆော် ခြင်းကိုအရှိန်အဟုန်မြှင့်ဆောင်ရွက်ခဲ့ကြောင်းသိရှိရသည်။
သတင်း - အေးယုဝေ(ကျိုက်ထို)
https://t.me/MyanmarNationalPost
No comments:
Post a Comment