MNP - ဧပြီ ၂၂
မန္တလေးတိုင်းဒေသကြီး၊ မိတ္ထီလာခရိုင်တွင် ၂၀၂၂-၂၀၂၃ခု ဘဏ္ဍာရေးနှစ်တွင် ကျေးရွာတစ်ဆယ့်နှစ် ရွာမှ ဒေသခံပြည်သူများ သောက်သုံးရေ အဆင်ပြေစေရေးအတွက် ကျေးလက်ရေရရှိရေးလုပ်ငန်းများကို ဆောင်ရွက်သွားမည်ဖြစ်ကြောင်း ခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ သိရသည်။
မိတ္ထီလာခရိုင် ကျေးလက်ဒေသဖွံ့ဖြိုးတိုးတက်ရေးဦးစီးဌာနရုံး၏ ကြီးကြပ်မှုအောက်ရှိ မိတ္ထီလာ၊ မလှိုင်၊ ဝမ်းတွင်း၊ သာစည်မြို့နယ်များတွင် ၂၀၂၂-၂၀၂၃ဘဏ္ဍာရေးနှစ်တွင် ခရိုင်အတွင်းရှိ ကျေးရွာ (၁၂)ရွာတွင် စက်ရေတွင်းတူးခြင်း၊ ရေစင်နှင့် ရေစက်ရုံတည်ဆောက်ခြင်း၊ အုတ်ရေကန်တည်ဆောက်ခြင်း၊ စက်တပ်ဆင်ခြင်း၊ ပန့်နှင့်မော်တာတပ်ဆင်ခြင်း၊ ၄၀၀ဗို့အားလိုင်း သွယ်တန်းခြင်း၊ ပါဝါမီတာတပ်ဆင်ခြင်း၊ ရေပိုက်သွယ်တန်းခြင်းလုပ်ငန်းများကို ဆောင်ရွက်သွားမည်ဖြစ်သည်။
ထိုသို့ဆောင်ရွက်ရာတွင် မိတ္ထီလာမြို့နယ်တွင် ကျေးရွာ (၃)ရွာ ၊ မလှိုင်မြို့နယ်တွင် ကျေးရွာ(၃)ရွာ၊ ဝမ်းတွင်းမြို့နယ်တွင် ကျေးရွာ(၃)ရွာနှင့် သာစည်မြို့နယ်တွင် ကျေးရွာ (၃)ရွာတို့ကို ဆောင်ရွက်သွားမည်ဖြစ်ရာ အဆိုပါ ကျေးလက်ရေရရှိရေးလုပ်ငန်းများကို ကျေးလက်ဒေသဖွံ့ဖြို့တိုးတက်ရေးဦးစီးဌာနမှ ကြီးကြပ်ပြီး တင်ဒါအောင်မြင်သည့် ကုမ္ပဏီများမှ တာဝန်ယူဆောင်ရွက်သွားမည်ဖြစ်ကြောင်း ခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ဒုတိယညွှန်ကြားရေးမှူး ဒေါ်မြင့်ဝင်းထံမှ သိရသည်။
သတင်း - သိန်းမြင့်ကျော်
မြန်မာနေရှင်နယ်ပို့စ်
No comments:
Post a Comment