MNP - ဧပြီ ၂၉
တနင်္သာရီတိုင်းဒေသကြီး အစားအသောက်နှင့် ဆေးဝါးကွပ်ကဲရေးအဖွဲ့သည် ထားဝယ်မြို့နယ် အစားအသောက်နှင့်ဆေးဝါး ကြီးကြပ်ကွပ်ကဲရေးကော်မတီအဖွဲ့ဝင်များ၊ တရားမဝင်ကုန်စည်တားဆီး တိုက်ဖျက်ရေးအဖွဲ့နှင့်ပူးပေါင်း၍ ယမန်နေ့ညနေပိုင်းတွင် ထားဝယ်မြို့ရှိ ဆေးဝါးနှင့်ဆေးပစ္စည်း ဘေးအန္တရာယ် ကင်းရှင်းရေးအတွက် ကြည်ရှုစစ်ဆေးခဲ့ကြောင်း သိရသည်။
ထို့နောက် တိုင်းဒေသကြီး အစားအသောက်နှင့် ဆေးဝါးကွပ်ကဲရေး ဦးစီးမှူး ဒေါ်မေသန်းနိုင် ဦးဆောင် သောပူးပေါင်းအဖွဲ့များက ထားဝယ်မြို့ပေါ်ရှိအာဇာနည်လမ်း၊ ရေးလမ်း၊ နိဗ္ဗာန်လမ်းနှင့်မြို့တွင်း လမ်းများရှိဆေးဆိုင်များတွင် ဆေးဝါး/ဆေးပစ္စည်း ဘေးအန္တရာယ်ကင်းရှင်းရေးအတွက် ကောင်းမွန် သော ဆေးဝါးရောင်းချမှု ကျင့်စဉ်နှင့်ညီ/မညီ၊ ကောင်းမွန်သေားဆေးဝါး သိုလှောင်မှုရှိ/မရှကြည်ရှု စစ်ဆေးခဲ့ပြီး ဆိုင်ပိုင်ရှင်နှင့် တာဝန်ခံများအား တရားမဝင်၊ သက်တမ်းလွန်၊ လိုင်စင်မဲ့ဆေးများ မရောင်း ချရန် အသိပညာပေးတားမြစ်ခြင်းများဆောင်ရွက်ခဲ့ကြသည်။
ဆက်လက်၍ ဆေးဝယ်သူများအား ဆေးဝါးဝယ်ယူရာတွင် လိုက်နာရမည့် အချက်များပါဝင်သည့် လက်ကမ်းစာစောင်များ ဖြန့်ဝေခဲ့ကြပြီး ဆိုင်များတွင် ဆေးဝါးနမူနာ (၃)မျိုးအားဝယ်ယူ၍ တိုင်းဒေသ ကြီးအစားအသောက်နှင့် ဆေးဝါးဦးစီးဌာန (ထားဝယ်) ရှိ Mini Lab တွင်ဆေးဝါးများစံကိုက်ညီမှုရှိ/မရှိ စစ်ဆေးထားရှိကြောင်း သိရသည်။
သတင်း - ရွှေပင်လယ်
မြန်မာနေရှင်နယ်ပို့စ်
No comments:
Post a Comment