MNP ၊ ဧပြီ ၂၆
ဧရာဝတီတိုင်းဒေသကြီး အစိုးရအဖွဲ့ဝန်ကြီးချုပ် ဦးတင်မောင်ဝင်းနှင့် တာဝန်ရှိသူများ မြေဆီလွှာဖွံ့ဖြိုးတိုးတက်ရေးအတွက် သစ်စိမ်းမြေဩဇာ (ပိုက်ဆံလျှော်) မျိုးစေ့ပေးအပ်ပွဲနှင့် ကြဲပက်ပွဲကို ယနေ့ မွန်းလွဲ ၂ နာရီအချိန်တွင် မေရီလန်းကျေးရွာအုပ်စု တောင်သူ ဦးဖိုးချို၏ လယ်မြေတွင်ကျင်းပပြုလုပ်သည့် အခမ်းအနားသို့ တက်ရောက်ခဲ့သည်။
ရှေးဦးစွာ သစ်စိမ်းမြေဩဇာ မျိုးစေ့ပေးအပ်ပွဲနှင့် ကြဲပက်ပွဲကို တောင်သူ ဦးဖိုးချို၏၊ ကွင်းအမှတ် (၁၈၄၂ ဂ)၊ ဦးပိုင် (၁၀/၂၀)တွင်ပြုလုပ်ရာ ဧရာဝတီတိုင်းဒေသကြီး အစိုးရအဖွဲ့ ဝန်ကြီးချုပ် ဦးတင်မောင်ဝင်းက တောင်သူများအား သစ်စိမ်းမြေဩဇာ (ပိုက်ဆံလျှော်) မျိုးစေ့ ဧက (၁၀၀) ဧကစာအတွက် တစ်ဧကလျှင် ၄ ပြည်နှုန်း ပေးအပ်ခဲ့ပြီး ကြဲပက်ခြင်းတို့ကို စုပေါင်းဆောင်ရွက်ခဲ့ကြသည်။
အခမ်းအနားသို့ ဧရာဝတီတိုင်းဒေသကြီး စိုက်ပျိုးရေးဦးစီးဌာန တိုင်းဒေသကြီးဦးစီးမှူး ဦးစိန်မောင်မြင့်၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးထွန်းထွန်းလင်း၊ မြို့နယ်စိုက်ပျိုးရေးဦးစီးဌာန ဦးစီးအရာရှိ ဦးနိုင်ကျော်စိုးနှင့် ဝန်ထမ်းများ၊ ကျေးရွာအုပ်ချုပ်ရေးမှူးများ၊ တောင်သူများ တက်ရောက်ခဲ့ကြောင်း သိရသည်။
သတင်း - ဝေယံ
https://t.me/MyanmarNationalPost
No comments:
Post a Comment