MNP - ဧပြီ ၂၂
ပြည်ထောင်စုနယ်မြေ၊ နေပြည်တော်၊ လယ်ဝေးမြို့နယ်အတွင်း ရပ်ကွက်၊ ကျေးရွာများရှိ ဒေသခံပြည်သူများအား ဧပြီ ၂၂ ရက်က မြို့နယ်အတွင်းရှိ သတ်မှတ်ဆေးထိုးစုရပ် နေရာအသီးသီးတွင် ကိုဗစ်-၁၉ ရောဂါကာကွယ်ဆေးဆက်လက် ထိုးနှံပေးလျှက်ရှိကြောင်း သိရသည်။
ကာကွယ်ဆေးထိုးနှံရာတွင် မြို့နယ်စီမံအုပ်ချုပ်ရေးအဖွဲ့မှ တာဝန်ရှိသူများမှ ကြီးကြပ်၍ ရပ်ကွက်၊ ကျေးရွာအုပ်ချုပ်ရေးမှူးများ၊ ကျန်းမာရေး ဝန်ထမ်းများနှင့် တာဝန်ရှိသူများက မြို့နယ် အတွင်း ရပ်ကွက်၊ ကျေးရွာများရှိ အကြောင်းအမျိုးမျိုးကြောင့် ကိုဗစ်-၁၉ ရောဂါ ကာကွယ်ဆေး ပထမအကြိမ် မထိုးနှံရသေးသူများ၊ဒုတိယအကြိမ်ထိုးနှံရန် သတ်မှတ်ရက် ပြည့်သူများနှင့် Booster Dose ထိုးနှံရန် သတ်မှတ်ရက်ပြည့် သူများအား မြို့ပေါ်ရပ်ကွက်များနှင့် ကျေးရွာများရှိ ဆေးထိုးစုရပ်နေရာ အသီးသီးတွင် ကိုဗစ်-၁၉ရောဂါ ကာကွယ်ဆေးများ စနစ်တကျ ထိုးနှံဆောင်ရွက်ပေးလျှက်ရှိကြောင်း သိရသည်။
လယ်ဝေးမြို့နယ်အနေဖြင့် ကိုဗစ်ကာကွယ်ဆေးထိုးနှံမှု တစ်မြို့နယ်လုံး လွှမ်းခြုံနိုင်စေရန်အတွက် ဆေးထိုးစုရပ် (၁၅) ခုတွင် ထိုးနှံပေးလျက် ရှိရာ ဧပြီ (၂၁) ရက်အထိကာကွယ်ဆေး ပထမအကြိမ်၈၄%၊ ဒုတိယအကြိမ် ၆၆.၇%၊ Booster Dose (၇၈၃၁)ဦး ထိုးနှံပြီးစီးခဲ့ ကြောင်းမြို့နယ် ကျန်းမာရေးဦးစီးဌာနမှ သိရသည်။
မြန်မာနေရှင်နယ်ပို့စ်
No comments:
Post a Comment