MNP ၊ ဧပြီ ၂၄
စစ်ကိုင်းတိုင်းဒေသကြီး၊ မုံရွာမြို့နယ်၊ မုံရွာ-ရေဦးကားလမ်း ဖန်းခါးကျင်း ကျေးရွာအနီးတွင် ဖွင့်လှစ်ထားသော BOC စက်သုံးဆီအရောင်းဆိုင်အား ဧပြီလ ၂၃ ရက်နေ့တွင် NLD အစွန်းရောက် အကြမ်းဖက်သမားများက ငွေကြေးများ ဓားပြတိုက် လုယက်ယူဆောင်ကာ ဆိုင်ရှိပစ္စည်းများအား ဖျက်ဆီးသွားကြောင်း သိရသည်။
ဧပြီလ ၂၃ ရက်နေ့ ည ၆ နာရီအချိန်တွင် NLD အစွန်းရောက် အကြမ်းဖက်သမား ၁၅ ဦးခန့်သည့် ဆိုင်ကယ် ၇ စီးဖြင့် လက်လုပ်သေနတ်များ ကိုင်ဆောင်ရောက်ရှိလာပြီး အရောင်းဝန်ထမ်းများအား ဖမ်းဆီး၍ စက်သုံးဆီရောင်းရငွေ (ငွေကျပ် ၁၀ သိန်း)အား လုယက်ယူဆောင်ကာ Cannon အမျိုးအစား Printer ၁ လုံး ၊ 5 kg မီးသတ် ဆေးဘူး ၂ ဘူး ၊ ဝန်ထမ်းများပိုင် ဖုန်း ၃ လုံးတို့အား ယူဆောင်ကာ ဆီပန့် ၄ လုံး ဒီဂျစ်တယ်ဒိုင်ခွက် ၄ ခု ၊ ပြတင်းပေါက်မှန် ၁၀ ချပ် ၊ ကောင်တာစားပွဲ ၁ လုံး၊ Acer အမျိုးအစားကွန်ပျူတာ ၂ လုံး ၊ ရေခဲသေတ္တာ ၁ လုံး ၊ ရေအေးစက် ၂ လုံးတိုအား ရိုက်ချိုးဖျက်ဆီးသွားကြောင်း သိရသည်။
https://t.me/MyanmarNationalPost
No comments:
Post a Comment