MNP ၊ ဧပြီ ၂၁
သံတွဲခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှဝန်ထမ်းများသည် ပြည်သူများ စာအုပ် စာပေများကို လေ့လာဖတ်ရှုသည့် အလေ့အထကောင်းများဖြစ်ပေါ်လာစေပြီး အသိပညာ ဗဟု သုတများ တိုးပွါးလာစေရေးအတွက် ဧပြီ၂၁ ရက်နေ့ နံနက် ၁၀ နာရီက Mobil Library မော်တော်ယာဉ်ဖြင့် ပြည့်ဝကျေးရွာသို့ သွားရောက်ပြီး ကိုဗစ်-၁၉ လမ်းညွှန်ချက်များနှင့်အညီ စာအုပ်များကို ငှါးရမ်း ပေးခဲ့သည်။
ထိုသို့ငှါးရမ်းရာတွင် ကျေးရွာနေပြည်သူများ အားရဝမ်းသာစွာဖြင့် MobilLibrary မော်တော်ယာဉ်သို့ လာရောက်ပြီး သုတ/ရသစာအုပ်များကိုငှါးယူကြရာ တစ်ယောက်လျှင် နှစ်အုပ်နှုန်းဖြင့် တစ်ပတ်ကြာ ငှါးရမ်းပေးခဲ့သည်။
ယခုကဲ့သို့ ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဝန်ထမ်းများသည် ကျေးရွာများသို့ သွားရောက်၍ အိမ်တိုင်ရာရောက်ငှါးပေးခြင်းမှာ ကျေးရွာနေပြည်သူများနှင့် ကျောင်းသား၊ကျောင်းသူများ စာအုပ်၊စာစောင်များကို လွယ်ကူစွာ ဖတ်ရှု့လေ့လာနိုင်ပြီး အသိပညာဗဟုသုတများ တိုးပွါးလာစေရေးတို့ အတွက် ဝန်ဆောင်မှုပေးခြင်းဖြစ်သည်။
သတင်း - မေမွန်ထွဋ်
https://t.me/MyanmarNationalPost
No comments:
Post a Comment