MNP ၊ ဧပြီ ၂၂
ရခိုင်ပြည်နယ်၊ ဂွမြို့တွင် ကိုဗစ်-၁၉ ရောဂါကာကွယ်ထိန်းချုပ်နိုင်ရေးအတွက် ကိုဗစ်-၁၉ ကာကွယ်ဆေး လုံးဝမထိုးနှံရသေးသည့်သူများနှင့် ဒုတိယအကြိမ် ဆက်လက်ထိုးနှံရမည့်သူအား Mobile Team ဖြင့် ကာကွယ်ဆေးထိုးနှံပေးခြင်းကို ဧပြီလ ၂၁ရက်နေ့တွင် ကျေးရွာများသို့ ကွင်းဆင်း၍ ဆောင်ရွက်ပေးလျက်ရှိကြောင်း သိရသည်။
ထိုသို့ထိုးနှံပေးရာတွင် ဗောဓိကျေးရွာ၊ ဒေါင့်ချောင်းကျေးရွာ၊ ရွှေဦးကွင်းကျေးရွာနှင့် ရှောက်ကုန်းကျေးရွာတို့ရှိ ကာကွယ်ဆေး လုံးဝမထိုးနှံရသေးသည့်သူများနှင့် ဒုတိယအကြိမ် ဆက်လက်ထိုးနှံရမည့်သူအား Covaxinဆေးကို Phase-9 (ပထမအကြိမ်)တွင် (၁၁၉)ဦးအား လည်း ကောင်း ၊ Phase-7နှင့် Phase-8 (ဒုတိယအကြိမ်)တွင် (၆၅၂)ဦးအား လည်းကောင်း ထိုးနှံပေးခဲ့ ကြောင်းသိရသည်။
ထိုသို့ထိုးနှံပေးရာတွင် ကျန်းမာရေးဦးစီးဌာန မှဝန်ထမ်းများ၊ ရပ်ကွက်နှင့်ကျေးရွာအုပ်ချုပ်ရေးမှူးများ၊ လူမှုရေးအသင်းအဖွဲ့ ဝင်များမှ ပူးပေါင်းဆောင်ရွက်ပေးလျက်ရှိကြောင်း သိရသည်။
သတင်း - ရွှေရည်ဝင်းကျော်
https://t.me/MyanmarNationalPost
No comments:
Post a Comment