MNP ၊ ဧပြီ ၂၃
ရခိုင်ပြည်နယ်၊ သံတွဲခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန နှင့် Thandwe Youth Club တို့ပူးပေါင်းဖွင့်လှစ်သည့် ဂျပန်စကားပြောအခြေခံ N-5 သင်တန်းဖွင့်ပွဲအခမ်းအနားကို ယနေ့ နေ့လယ် (၁၂:၃၀)နာရီက သံတွဲခရိုင်လူထုအခြေပြုဗဟိုဌာန အနုပညာခန်းမ၌ ကျင်းပပြုလုပ်ခဲ့သည်။
အခမ်းအနားတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန လက်ထောက်ညွှန်ကြားရေးမှူး ဒေါ်စန္ဒာကြည်က အမှာစကားပြောကြားရာတွင် ပြန်ကြားရေးဝန်ကြီးဌာန ၊ ပြန်ကြားရေးနှင့်ပြည်သူ့ ဆက်ဆံရေးဦးစီးဌာနအနေဖြင့်လူငယ်များ ဘက်စုံဖွံ့ဖြိုးတိုးတက်ရေးအတွက် နွေရာသီကျောင်းပိတ်ရက် တွင် ဟောပြောပွဲများ ၊ သင်တန်းများ၊ ပြိုင်ပွဲ၊ ပြပွဲများနှင့်စာဖတ်ဝိုင်းများ ကျင်းပပြုလုပ်ပေးလျက်ရှိရာ ပူးပေါင်းပါဝင်ဆောင်ရွက်ပေးစေလိုပါကြောင်း၊ သင်တန်းသူ/သားများအနေဖြင့်သင်တန်းအစမှသင်တန်း ပြီးဆုံးသည့်တိုင် အချိန်ပြည့်တက်ရောက်ပေးရန်လိုအပ်ကြောင်းနှင့် သင်တန်းမှချမှတ်ထားသည့် စည်းကမ်းချက်များအလေးထားလိုက်နာကြရန် လိုအပ်ကြောင်း ပြောကြားခဲ့ပြီး Thandwe Youth Club မှ ဒု-ဥက္ကဌ ဦးသန်းလင်းဇော်က Youth Club ဖွဲ့စည်းထားရှိမှုနှင့် လုပ်ငန်းဆောင်ရွက်နေမှု အခြေအနေများ ရှင်းလင်းပြောကြားခဲ့သည်။၎င်းနောက် Youth Club မှ ဥက္ကဌ ဦးစည်သူနိုင်က သင်တန်းစည်းကမ်းများကို ရှင်းလင်းပြောကြားပြီး သင်တန်းနည်းပြ ဒေါ်အိအိဖြိုးနှင့် သင်တန်းသားများ အချင်းချင်း အပြန်အလှန် မိတ်ဆက်ခြင်းများ ဆောင်ရွက်ခဲ့ကြသည်။
ဂျပန်စကားပြော အခြေခံ N-5 သင်တန်းကို ဧပြီလ ၂၃ ရက်နေ့မှစ၍ အပတ်စဉ် စနေ/တနင်္ဂနွေ နေ့လယ်(၁)နာရီ မှ(၂:၃၀)ထိ သင်ကြားပြသသွားမည်ဖြစ်ကြောင်းနှင့် အဆိုပါသင်တန်းသို့ သင်တန်းသား/သူ(၃၅)ဦး တက်ရောက် သင်ယူလျက်ရှိကြောင်း သိရသည်။
သတင်း - စန္ဒာကြည်
https://t.me/MyanmarNationalPost
No comments:
Post a Comment