MNP - ဧပြီ ၃၀
ရန်ကုန်မြောက်ပိုင်းခရိုင်၊ လှိုင်သာယာ (အနောက်ပိုင်း)မြို့နယ် အမှတ်(၁၁)ရပ်ကွက်အတွင်းရှိ စားဝတ်နေရေး အခက်အခဲဖြစ်ပေါ်နေသော မိသားစုများအား ကုလသမ္မဂ္ဂစားနပ်ရိက္ခာ ဖွံ့ဖြိုးမှုအစီအစဉ် (WFP)၏ အစီအစဉ်ဖြင့် ယနေ့ နံနက် ၈ နာရီက လှူဒါန်းပေးခဲ့ကြောင်း သိရသည်။
အဆိုပါ လှူဒါန်းမှုရာ၌ တစ်အိမ်ထောင်လျှင် ဆန်တအိတ်နှုန်းဖြင့် စုရပ်များဖြစ်သော မန္တလေးလမ်းရှိ ဦးမောင်မောင်ကိုယ်ပိုင် အထက်တန်းကျောင်း၊ ပုဂံလမ်းမကြီးရှိ ဦးမောင်စိုးနေအိမ်ရှေ့၊ ချယ်ရီလမ်းနှင့် စိန်ချယ်လမ်းထောင့်နှင့် ပိတောက်လမ်းနှင့်ခိုင်သဇင် လမ်းထောင့်တို့အား ဆန်ဖြန့်ဝေရန် စုရပ်များအဖြစ်သတ်မှတ်ပြီး WFP မှ ဖြန့်ဖြူးရေး အဖွဲ့ခေါင်းဆောင် ဦးစိုးဝဏ္ဏနှင့်အဖွဲ့ဝင်(၄၈)ဦး၊ ရပ်ကွက်အုပ်ချုပ်ရေးမှူး ဦးတင်ဇော်ဦးပါ အင်အား(၁၅)တို့ဖြင့် ဆောင်ရွက်ခဲ့ရာ စုစုပေါင်း အိမ်ထောင်စု (၁၆၈၀)စုတို့အတွက် (၅၀)ကီလိုဝင် ဆန်အိတ်ပေါင်း (၁၆၈၀)အိတ် ဖြန့်ဝေပေးခဲ့ကြောင်း သိရသည်။
သတင်း - သိန်းသိန်း
မြန်မာနေရှင်နယ်ပို့စ်
No comments:
Post a Comment