MNP - မေ ၂၆
ရှမ်းပြည်နယ်(တောင်ပိုင်း)၊ လွိုင်လင်ခရိုင်၊ မိုင်းနောင်မြို့အခြေခံပညာအထက်တန်းကျောင်းတွင် ၂၀၂၂-၂၀၂၃ ပညာသင်နှစ် ကျောင်းအပ်နှံရေးနေ့အခမ်းအနားကို ယနေ့နံနက်(၉)နာရီအချိန်က ပြုလုပ်ကျင်းပခဲ့သည်။
ရှေးဦးစွာ မြို့အုပ်ချုပ်ရေးမှူး ဦးရဲနိုင်ထွန်းက အဖွင့်အမှာစကားပြောကြား၍ မြို့မိမြို့ဖ ဦးစိုင်းအုန်းခေါင်က ကျောင်းသားကျောင်းသူများစာသင်ကျောင်းသို့ အချိန်မီ ရောက်ရှိအပ်နှံရေး၊ ဆရာ၊ မိဘ၊ ကျောင်းသား သုံးနားညီပူးပေါင်းကာ မိမိတို့၏ ကလေးပညာရေး ကဏ္ဍကို ပံ့ပိုးပေးစေခြင်းများကို အကြံပြုပေးပြီးကျောင်းအုပ်ဆရာကြီး ဦးဇော်မြင့်သိန်းက ၂၀၂၂-၂၀၂၃ ပညာသင်နှစ်အတွက် ကလေးများကျန်းမာပျော်ရွှင်စွာ ပညာသင်ကြားနိုင်ရေးစီစဉ်ဆောင်ရွက်ထားရှိမှုများနှင့် ဆရာ၊ ဆရာမအခက်အခဲများကို ဆွေးနွေးရှင်းလင်းခဲ့ကြောင်း သိရှိရသည်။
ထို့နောက် ပညာရေးဝန်ကြီးဌာနမှ ကျောင်းသား၊ ကျောင်းသူများအတွက် အခမဲ့ဖြန့်ဝေပေးသော ကျောင်းသုံးပုံနှိပ်စာအုပ်၊ ဗလာစာအုပ်၊ ဘောပင်နှင့် ခဲတံများအား မြို့အုပ်ချုပ်ရေးမှူး ဦးရဲနိုင်ထွန်း၊ မြို့မိမြို့ဖ ဦးစိုင်းအုန်းခေါင်၊ မိဘဆရာအသင်းဥက္ကဋ္ဌ ဦးမိုးကျော်သူတို့က ပေးအပ်ကာ သက်ဆိုင်ရာဆရာ/ဆရာမများမှလက်ခံရယူပြီး ကျေးဇူးတင်စကားပြန်လည်ပြောကြားခဲ့သည်။
အခမ်းအနားသို့ မြို့အဆင့်ဌာနဆိုင်ရာများ၊ ရပ်ကွက်အုပ်ချုပ်ရေးမှူးများ၊ ကျောင်းအုပ်ဆရာ၊ ဆရာမကြီးများနှင့် တာဝန်ရှိသူများ တက်ရောက်ခဲ့ကြကြောင်း သိရှိရသည်။
သတင်း - မနန်း
မြန်မာနေရှင်နယ်ပို့စ်
No comments:
Post a Comment