MNP - မေ ၂၁
မကွေးတိုင်းဒေသကြီး၊ ဂန့်ဂေါခရိုင်၊ ဂန့်ဂေါမြို့နယ်တွင် ၂၀၂၂-၂၀၂၃ ခုနှစ် ပညာသင်နှစ်အတွက် အခြေခံပညာကျောင်းများ ပြန်လည်ဖွင့်လှစ်တော့မည်ဖြစ်ရာ ဂန့်ဂေါမြို့၊ စည်ပင်သာယာရပ်ကွက်ရှိ အခြေခံပညာအလယ်တန်းကျောင်း(ခွဲ)တွင် ကျောင်းဝင်းအတွင်း/အပြင်ရှိ ပေါင်းပင်/မြက်ပင်များ သန့်ရှင်းရေးဆောင်ရွက်ခြင်းကို ခရိုင်/မြို့နယ်ဌာနဆိုင်ရာများစုပေါင်း၍ ယနေ့နံနက်(၇)နာရီအချိန်က ဆောင်ရွက်ခဲ့ကြသည်။
အဆိုပါ သန့်ရှင်းရေးလုပ်ငန်းများဆောင်ရွက်ခြင်းကို ဂန့်ဂေါမြို့နယ်စီမံအုပ်ချုပ်ရေးအဖွဲ့မှ ဦးဆောင်၍ ခရိုင်/မြို့နယ်ဌာနဆိုင်ရာဝန်ထမ်းများ၊ တပ်မတော်သားများ၊ ခရိုင်/မြို့နယ်ရဲတပ်ဖွဲ့ဝင်များ၊ ခရိုင်/မြို့နယ် မီးသတ်တပ်ဖွဲ့ဝင်များ၊ ကျောင်းတာဝန်ခံဆရာမကြီးနှင့် ဆရာ/ဆရာများ၊ မြို့နယ်စည်ပင် သာယာရေးအဖွဲ့မှဝန်ထမ်းများပူးပေါင်း၍ အခြေခံပညာအလယ်တန်းကျောင်း(ခွဲ) စည်ပင်သာယာ ရပ်ကွက်တွင် ကျောင်းဝင်း အတွင်း/အပြင်ရှိ ပေါင်းပင်/မြက်ပင်များ၊ အမှိုက်များအားစုပေါင်း၍ သန့်ရှင်းရေးလုပ်ငန်းများ ဆောင်ရွက်ခဲ့ကြခြင်းဖြစ်သည်။
ထိုသို့ သန့်ရှင်းရေးလုပ်ငန်းများဆောင်ရွက်ရာသို့ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးစိုးဝင်းနှင့် အဖွဲ့ဝင်များ၊ ခရိုင်/မြို့နယ်ဌာနဆိုင်ရာတာဝန်ရှိသူများက ကြည့်ရှုအားပေးခဲ့ကြကြောင်း သိရသည်။
သတင်း - မောင်မျိုးမင်း
မြန်မာနေရှင်နယ်ပို့စ်
No comments:
Post a Comment