ကျောက်တံတားမြို့နယ်အတွင်း အသက်(၁၈)နှစ်အထက် ပြည်သူများအား ကိုဗစ်-၁၉ ရောဂါ ကာကွယ်‌‌ဆေးများ ဆက်လက်ထိုးနှံပေး

MNP  - မေ  ၂၇

ရန်ကုန်တိုင်းဒေသကြီး၊ ရန်ကုန်အ‌နောက်ပိုင်းခရိုင်၊ ကျောက်တံတားမြို့နယ်၌ ကိုဗစ်-၁၉ ရောဂါ ကာကွယ်ထိန်းချုပ်နိုင်ရန်အတွက် အသက်(၁၈)နှစ်နှင့်အထက် ပြည်သူများအား ကိုဗစ်-၁၉ ရောဂါ ကာကွယ်‌ဆေးထိုးနှံရန်မကျန်ရှိစေရေးအတွက် ကျောက်တံတားမြို့နယ်၊ အမှတ်(၃)ရပ်ကွက်၊ (၃၆)လမ်းရှိ ဓမ္မရံသီဓမ္မာရုံ၌ ယမန်နေ့နံနက်ပိုင်းအချိန် က ကွင်းဆင်း၍  ကာကွယ်ဆေးထိုးနှံပေးရာ Covidshield First Dose ထိုးနှံသူ (၃၁)ဦး၊ Covidshield Second Dose ထိုးနှံသူ (၈)ဦး၊ Covidshield Booster Dose ထိုးနှံသူ (၃၀၂)ဦး၊ Covaxin First Dose ထိုးနှံသူ (၈)ဦး၊  Covaxin Booster Doseထိုးနှံသူ(၄၂)ဦး၊ Astra Zeneca Booster Dose ထိုးနှံသူ (၅၇)ဦးနှင့် Astra Zeneca Second Dose ထိုးနှံသူ (၁၁၃)ဦး စုစုပေါင်း (၅၆၁)ဦး ထိုးနှံပေးခဲ့ကြောင်းသိရသည်။

အဆိုပါကာကွယ်ဆေးထိုးနှံရာတွင် ကျန်းမာရေးဝန်ကြီးဌာန၏ လမ်းညွှန်ချက်များနှင့်အညီ ဆောင်ရွက်ပေးနေမှုကို မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးမြင့်စိန်ကိုယ်တိုင် အနီးကပ်ကြီးကြပ်ပြီး ကျန်းမာရေးဌာန၊ မြန်မာနိုင်ငံရဲတပ်ဖွဲ့၊ မြို့နယ်မီးသတ်တပ်ဖွဲ့၊ မြို့နယ်ကြက်‌ခြေနီတပ်ဖွဲ့နှင့် ပရဟိတအဖွဲ့များမှ ကာကွယ်ဆေးထိုးနှံရာတွင် မလိုလားအပ်သောပြဿနာများ မဖြစ်စေရေးအတွက် အပူချိန်တိုင်းပေးခြင်း၊ သွေးပေါင်ချိန်ပေးခြင်းနှင့် ဆေးထိုးပြီးပါက နာရီဝက်ကြာ ခေတ္တနားစေခြင်းတို့ကို ပူးပေါင်းကူညီ ဆောင်ရွက်ပေးခဲ့ကြောင်း သိရသည်။

သတင်း - ရွှေဇင်ခိုင်

မြန်မာနေရှင်နယ်ပို့စ်