MNP - မေ ၂၈
ရန်ကုန်တိုင်းဒေသကြီး၊ ရန်ကုန်အနောက်ပိုင်းခရိုင်၊ လှိုင်မြို့နယ်တွင် လှိုင်မြို့နယ်စီမံအုပ်ချုပ်ရေးအဖွဲ့ဥက္ကဋ္ဌဖလား အသက် ၂၅ နှစ်အောက် ရပ်ကွက်ပေါင်းစုံဖူဆယ်ဘောလုံးပြိုင်ပွဲဖွင့်ပွဲကို ယနေ့နံနက်၉နာရီတွင် လှိုင်မြို့နယ် အမျိုးသားအားကစားရုံ၊ ဖူဆယ်ဘောလုံးကွင်း၊ ရန်ကုန်တက္ကသိုလ်တွင် ကျင်းပခဲ့သည်။
အဆိုပါဖွင့်ပွဲတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဟန်ဝင်းလတ်မှ အဖွင့်အမှာစကားပြောကြားပြီးပြိုင်ပွဲအားဖွင့်လှစ်ခဲ့သည်။ဆက်လက်၍ အားကစားသမားများမှ သစ္စာအဓိဋ္ဌာန်၄ချက်ရွတ်ဆိုခြင်း၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့် တာဝန်ရှိသူများ၊ ဧည့်သည်တော်များမှ ပြိုင်ပွဲဝင်အားကစားသမားများအား လိုက်လံနှုတ်ဆက်ခြင်း၊ ပြိုင်ပွဲဝင်အားကစားသမားများ ကွင်းအတွင်းမ ပြန်လည်ထွက်ခွာခြင်းနှင့် အခမ်းအနားပြီးမြောက်ကြောင်း ကြေညာခြင်းတို့ကို ပြုလုပ်ခဲ့ကြောင်း သိရသည်။
အဆိုပါပြိုင်ပွဲတွင် ရပ်ကွက် ၁၆ ရပ်ကွက်မှ အသင်း၉သင်းဝင်ရောက်ယှဉ်ပြိုင်မည်ဖြစ်ကြောင်း သတင်းရသည်။
သတင်း - ကျော်ရဲအောင်
မြန်မာနေရှင်နယ်ပို့စ်
No comments:
Post a Comment