MNP - မေ ၂၅
စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်တွင် လယ်မြေများ မြေဆီလွှာ ဖွံ့ဖြိုးတိုးတက်ရန်အတွက် သစ်စိမ်းမြေဩဇာ (ပိုက်ဆံလျှော်) မျိုးစေ့ပေးအပ်ခြင်းနှင့် စုပေါင်းကြဲပက်ခြင်းကို ယနေ့နံနက် ၇ နာရီခွဲက ကျွန်းလှမြို့နယ်၊ ရှမ်းစုကျေးရွာ၊ ကွင်းအမှတ် (၄၉၆)၊ တောင်သူ ဦးနိုင်၏ လယ်မြေ၌ ကျင်းပကြောင်း သိရသည်။
အခမ်းအနားတွင် မြို့နယ်စိုက်ပျိုးရေးဦးစီးဌာန၊ ဦးစီးမှူး ဒေါ်မြင့်မြင့်ရီက သစ်စိမ်းမြေဩဇာ မျိုးစေ့ပေးအပ်ရခြင်းနှင့် ရရှိမည့်အကျိုးကျေးဇူးများကြောင်း ရှင်းလင်းပြောကြားပြီး မျိုးစေ့များပေးအပ်၍ စုပေါင်းကြဲပက်ခြင်း ပြုလုပ်ခဲ့ကြသည်။
ကျွန်းလှမြို့နယ်တွင် ၂၀၂၂-၂၀၂၃ ခုနှစ်၊ သစ်စိမ်းမြေဩဇာ (ပိုက်ဆံလျှော်) ဧက ၁၂၀နှင့် မျိုးစေ့ထုတ်စံပြကွက် ဧက ၂၀ စိုက်ပျိုးရန်လျာထားကြောင်း မြို့နယ်စိုက်ပျိုးရေးဦးစီးဌာနမှ သိရသည်။
သတင်း - မျိုးဝင်းညို
မြန်မာနေရှင်နယ်ပို့စ်
No comments:
Post a Comment