MNP - မေ ၂၃
ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန Community Center ခန်းမတွင် ယမန်နေ့မွန်းလွဲ ၂ နာရီအချိန်က "မြန်မာ့ရိုးရာကစားစရာ" ခေါင်းစဉ်ဖြင့် ပန်းချီပြိုင်ပွဲကျင်းပခဲ့ကြောင်း သိရသည်။
လူငယ်လူရွယ်များ တီထွင်ကြံဆတတ်စေရန်၊ မြန်မာ့ရိုးရာများကို တန်ဖိုးထားတတ်စေရန်ရည်ရွယ်၍ ပန်းချီပြိုင်ပွဲကိုကျင်းပရခြင်းဖြစ်ကြောင်း၊ ပြိုင်ပွဲကိုမူလတန်းအဆင့်နှင့် အလယ်တန်းအဆင့်ခွဲ၍ ကျင်းပသွားမည်ဖြစ်ကြောင်း၊ ပြိုင်ပွဲတစ်ပွဲတွင်ပြိုင်ပွဲဝင် ၂၀ ဦးစီ ပါဝင်ယှဉ်ပြိုင်ခဲ့ကြောင်း သိရသည်။
အဆိုပါ ပြိုင်ပွဲတွင်ဆုရရှိသူများအား မေ ၂၄ ရက်နေ့တွင် ဆုများချီးမြှင့်သွားမည်ဖြစ်ကြောင်း ကျောက်မဲခရိုင်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ သိရသည်။
သတင်း - မိုင်းထွန်း
မြန်မာနေရှင်နယ်ပို့စ်
No comments:
Post a Comment