MNP - မေ ၁၉
၂၀၂၂-၂၀၂၃ ပညာသင်နှစ် ဒိုက်ဦးမြို့နယ်၌ ကျောင်းအပ်နှံရေး သီတင်းပတ်ဆိုင်ရာ မြေစိုက်ပိုစတာစိုက်ထူပွဲ လူထုလှုပ်ရှားမှု ပုံစံဖြင့် ဆောင်ရွက်သည့် အခမ်းအနားကို ယနေ့နံနက် ၇:၃၀ နာရီကပဲခူးတိုင်းဒေသကြီး၊ ဒိုက်ဦးမြို့နယ်၊ သာသနာ့ဗိမ္မာန်အရှေ့(ဦးမဲတာစုံ)၌ ကျင်းပပြုလုပ်သည်။
အဆိုပါအခမ်းအနားသို့ မြို့နယ်စီမံအုပ်ချုပ်ရေးကောင်စီ ဥက္ကဋ္ဌ ဦးဝင်းမြင့်၊ အဖွဲ့ဝင် ဦးတင်ထွဋ်မြင့်နှင့် အထွေထွေ အုပ်ချုပ်ရေးဦးစီးဌာနမှဝန်ထမ်းများ၊ မြို့နယ်မိခင်နှင့်ကလေး စောင့်ရှောက်ရေး အသင်းအဖွဲ့ဝင်များ၊ ဌာနဆိုင်ရာ အကြီးအကဲများ၊ ရပ်ကွက်အုပ်ချုပ်ရေးမှူးများ၊ NGOများ၊ ကျောင်းသားမိဘများ တက်ရောက်ကြသည်။
၂၀၂၂-၂၀၂၃ ပညာသင်နှစ်ကို ဇွန် ၂ ရက်နေ့တွင် စတင်တော့မည်ဖြစ်ကြောင်း၊ ပညာရေးဝန်ကြီးဌာနအနေဖြင့် အခြေခံပညာကျောင်းသား/ကျောင်းသူများ၏ ကျောင်းအပ်လက်ခံရာတွင် မည်သည့်ငွေကြေးမှ မကောက်ခံဘဲ အခမဲ့ပညာရေးစနစ်ဖြင့် ဆောင်ရွက်သွားမည်ဖြစ်ကြောင်း ကျောင်းအပ်နှံရေးနေ့တွင် ကျောင်းသုံးဖတ်စာအုပ်များ၊ ဗလာစာအုပ်များ အခမဲ့ပေးဝေသွားမည်ဖြစ်ကြောင်း ကျောင်းဝတ်စုံများကို ကျောင်းဖွင့်ချိန်အတွင်း ပေးဝေသွားမည် ဖြစ်ကြောင်း မြို့နယ်ပညာရေးမှူး ဒေါ်နော်ခရီစဲလ်ဒါက ပြောကြားခဲ့ပါသည်။
မြန်မာနေရှင်နယ်ပို့စ်
No comments:
Post a Comment