MNP - မေ ၂၃
တနင်္သာရီတိုင်းဒေသကြီး၊ ကျွန်းစုမြို့နယ်တွင် မိုးသည်းထန်စွာ ရွာသွန်းပြီးလေပြင်းတိုက်ခတ်မှုကြောင့် ယမန်နေ့ မွန်းလွဲ၁၂ နာရီခွဲအချိန်ခန့်က ကျွန်းစုမြို့၏ မြောက်ဘက်(၁၂)မိုင်ခန့်အကွာ ကမ်းကြီးကျေးရွာအုပ်စု၊ ပြင်ထပ်အော်ကျေးရွာ၌ လူနေအိမ်တစ်လုံး ပြိုကျပျက်စီးခဲ့ကြောင်း သိရသည်။
မိုးအဆက်မပြတ်ရွာသွန်းပြီး လေပြင်းတိုက်ခတ်မှုကြောင့် ပြင်ထပ်အော်ကျေးရွာနေ ဦးစိုးလွင် ပိုင်ဆိုင်သော ဓနိမိုး၊ ပျဉ်ကာ၊ ပျဉ်ခင်း နေအိမ်မှာ နေအိမ်နံဘေးရှိ ရာဘာပင်ပြိုလဲပြီး နေအိမ်ပေါ်သို့ လဲကျမှုကြောင့် နေအိမ်ထိခိုက်ပျက်စီးဆုံးရှုံးခဲ့ကြောင်း သိရသည်။
အဆိုပါသစ်ပင်ပြိုလဲကျမှုကြောင့် လူ/တိရစ္ဆာန်ထိခိုက်ဒဏ်ရာရရှိမှု မရှိကြောင်းနှင့် နေအိမ်ရှိ မိသားစုဝင် ကျား(၄)ဦး၊ မ(၂)ဦး၊ ပေါင်း(၆)ဦးတို့မှာကျေးရွာရှိ ဆွေမျိုးများနေအိမ်တွင် ပြောင်းရွှေ့နေထိုင်လျက်ရှိကြောင်း သိရသည်။
သတင်း - စည်သူရအောင်
မြန်မာနေရှင်နယ်ပို့စ်
No comments:
Post a Comment