MNP ၊ မေ ၁၉
ကျိုက်ထိုမြို့နယ်ပညာရေးဦးစီးဌာနမှ စီမံခန့်ခွဲမှုစွမ်းဆောင်ရည်မြင့်မားရေး အလုပ်ရုံဆွေးနွေးပွဲ(မြို့နယ်အဆင့်)ကိုမေ ၁၉ ရက်နံနက် ၉ နာရီတွင်အမှတ်(၁) အခြေခံပညာအထက်တန်းကျောင်းရာပြည့်ခန်းမ၌ဖွင့်လှစ်ခဲ့သည်။
သင်တန်းဖွင့်ပွဲတွင်မြို့နယ်စီမံအုပ်ချုပ် ရေးအဖွဲ့ဝင် ဗိုလ်မှူး ပြည်ထွန်းက ပညာရေးသည်နိုင်ငံအတွက်အရေးကြီးသောအခန်းကဏ္ဍတစ်ရပ်ဖြစ်ပြီးပညာရေးဌာနသည်လူသားအရင်းအမြစ်များ(Human Resource) မွေးထုတ်ပေးရာဌာနလည်းဖြစ် သည် ဆရာဆရာမများ၏အရည်အသွေးမြင့်မားစေရန်စဉ်ဆက်မပြတ်သင်ယူလေ့ လာမှစီမံခန့်ခွဲသူများအနေဖြင့်စွမ်းဆောင် ရည်ပိုမိုမြင့်မားလာမှာဖြစ်၍အလုပ်ရုံဆွေးနွေးပွဲတွင်စိတ်ပါဝင်စားသင်ယူဆွေး နွေးကြရန်ပြောကြားခဲ့သည်။
ဆက်လက်၍ မြို့နယ်ပညာရေးမှူး ဒေါ်သင်းသင်းအိကပညာ ရေးဝန်ကြီးဌာန ၏အဓိက ကဏ္ဍကြီး(၃)ရပ်ဖြစ်သည့် စီမံခန့်ခွဲမှုဆိုင်ရာလုပ်ငန်းများ၊ သင်ကြားသင် ယူမှုဆိုင်ရာလုပ်ငန်းများ၊ ဘဏ္ဍာရေးဆိုင်ရာ လုပ်ငန်းများအား ရှင်းလင်းပြောကြားခဲ့သည်။
အဆိုပါအလုပ်ရုံဆွေးနွေးပွဲသို့အထက်တန်း၊ အလယ်တန်း၊ မူလတန်းကျောင်းအုပ် (၁၅၇)ဦးတက်ရောက်ကြပြီး နည်းပြ(၅)ဦးမှ မေ ၁၉ ရက်မှ မေ ၂၀ ရက်နေ့ထိ ၂ ရက် ကြာသင်ကြားပို့ချဆွေးနွေးသွားမည်ဖြစ်ကြောင်း သိရသည်။
သတင်း - ဝင်းမောင်(ကျိုက်ထို)
https://t.me/MyanmarNationalPost
No comments:
Post a Comment