MNP ၊ မေ ၂၀
ရခိုင်ပြည်နယ် မောင်တောမြို့၌ ပတ်ဝန်းကျင်စိမ်းလန်းစိုပြည်ရေး လှုပ်ရှားမှုအသွင်ဖြင့် သယံဇာတနှင့် သဘာဝ ပတ်ဝန်းကျင်ထိန်းသိမ်းရေးဝန်ကြီးဌာန ၊ မောင်တောခရိုင် သစ်တော ဦးစီးဌာနမှ ၂၀၂၂ ခုနှစ် မိုးကြိုကာလ စုပေါင်း သစ်ပင် စိုက်ပျိုးပွဲတော်က ယနေ့ နံနက် ၉ နာရီ အချိန် ရွှေဗဟိုလ်ကျေးရွာ၊ အခြေခံပညာမူလတန်းကျောင်းရှေ့ မောင် တော -အငူမော် ကားလမ်းမ အနီးတွင် ကျင်းပပြုလုပ်ခဲ့ကြသည် ။
အခမ်းအနားတွင် မိုးကြိုကာလ သစ်ပင်စိုက်ပျိုးရန်အတွက် သစ်တောဦးစီးဌာနမှ ပျိုးပင်များအား တာဝန်ရှိသူ များထံပေးအပ်ပြီး မြို့နယ် စီမံအုပ်ချုပ်ရေးအဖွဲ့ဝင်ဥက္ကဋ္ဌ ဦးကံထွန်းအောင် ၊ မြို့နယ်စီမံ အုပ် ချုပ်ရေး အဖွဲ့ဝင် ဗိုလ်မှူး တင်ဝင်းထွဋ် ၊ ဦးဦးခင်မောင် နှင့် မြို့နယ်လဝက ဦးစီးမှူး ဦးကျော်ရှိန် ၊မြို့နယ်သစ်တောဦးစီးမှူး ဦးမိုးမြှင့်ဇော် နှင့် ဝန်ထမ်းများ ၊ ခရိုင်/မြို့နယ် ဌာနဆိုင်ရာများ ၊ မီးသတ်တပ်ဖွဲ့ဝင်များ ၊ ရဲတပ်ဖွဲ့ဝင်များ ၊ အမျိုးသမီး ရေးရာအသင်း၊ မိခင် နှင့်ကလေး စောင့် ရှောက်ရေး အသင်း၊ ကရုဏာကွန်ရက်လူမှုကူညီရေးအသင်း ၊ လူမှုရေးအဖွဲ့ အစည်းများ၊ ရပ်ကွက် ကျေးရွာအုပ်ချုပ်ရေးမှူးများ ၊စုစုပေါင်း အင်အား ၁၂၀ ဦးခန့်က ကျွန်း ၁၀၀ ပင် ၊ ပျဉ်းကတိုး ၁၀၀ ပင်၊ မန်ဂျန်ရှား ၂၅၀ ပင် ၊ ယူကလစ် ၇၅ ပင် ၊ မဟော်ဂနီ ၇၅ ပင်၊ စုစုပေါင်း ၆၀၀ ပင်အား သတ် မှတ်နေရာ အသီးသီးတွင် စနစ်တကျ တပျော်တစ်ပါး စိုက်ပျိုးခဲ့ကြသည်။ သစ်ပင်စိုက်ပျိုးပွဲအား သဘာဝ ပတ်ဝန်းကျင် စိမ်းလန်းစိုပြေရေး ၊ ရာသီဥတု ကောင်းမွန်မျှစေရေး ၊ အရိပ်အာဝါသ နှင့် မျက်စိပဿဒ အကျိုးများရရှိစေရေး ၊ သစ်တော သစ်ပင် တန်ဖိုးများကို အများ ပြည်သူ အလေးထားသိရှိစေရန် ရည်ရွယ်၍ ဆောင်ရွက်ရခြင်း ဖြစ်ကြောင်း သိရသည်။
သတင်း - သက်လွင်စိုး
https://t.me/MyanmarNationalPost
No comments:
Post a Comment