MNP - မေ ၂၅
ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်၊ အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမတွင် ဧရာဝတီတိုင်းဒေသကြီး အစိုးရအဖွဲ့ဝန်ကြီးချုပ် ဦးတင်မောင်ဝင်းမှ မြို့နယ်အဆင့် ဌာနဆိုင်ရာများ၊ ကျန်းမာရေးဝန်ထမ်းများနှင့် တွေ့ဆုံပွဲအခမ်းအနားကို ယမန်နေ့ ညနေ (၄)နာရီအချိန်က ကျင်းပခဲ့သည်။
အခမ်းအနားတွင် ဧရာဝတီတိုင်းဒေသကြီး အစိုးရအဖွဲ့ဝန်ကြီးချုပ် ဦးတင်မောင်ဝင်းက အဖွင့်အမှာစကားပြောကြားပြီး မြို့နယ်ဆရာဝန်ကြီး ဒေါက်တာကျော်မြင့်က ဓနုဖြူမြို့နယ်အတွင်း သွေးလွန်တုပ်ကွေးရောဂါနှင့် ပတ်သက်၍ ဆောင်ရွက်ထားရှိမှု အခြေအနေများအား ရှင်းလင်းတင်ပြခဲ့သည်။
ဆက်လက်၍ အ.ထ.က(၂) ရွှေကူကျောင်းသို့ သွားရောက်၍ ဆရာ၊ ဆရာမများအား ယခုနှစ် ကျောင်းအပ်နှံရာတွင် ရာနှုန်းပြည့်အပ်နှံနိုင်ရေးနှင့် အောင်ချက်မြင့်မားရေးကိစ္စရပ်များ လမ်းညွှန်အမှာစကား ပြောကြားပြီး ဧရာဝတီတိုင်းဒေသကြီးဝန်ကြီးချုပ် ဦးတင်မောင်ဝင်းက ထောက်ပံ့ကြေးငွေ (၃)သိန်းကျပ်အား ထောက်ပံ့ပေးအပ်ရာ အ.ထ.က(၂) ရွှေကူကျောင်းမှ ကျောင်းအုပ်ဆရာမကြီး ဒေါချိုချိုငြိမ်းက လက်ခံရရှိခဲ့ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment