MNP ၊ မေ၂၅
ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ် မြန်မာ့စီးပွါးရေးဘဏ်၌ အငြိမ်းစားဝန်ထမ်းများ၏ ပင်စင်လစာငွေများကို ယနေ့နံနက် (၉:၀၀)နာရီအချိန်ခန့်က စတင်၍ ထုတ်ပေးလျက်ရှိကြောင်း သိရသည်။
ရွှေတောင်မြို့နယ်၊ မြန်မာ့စီးပွားရေးဘဏ်အနေဖြင့် အငြိမ်းစားဝန်ထမ်းများ၏ ပင်စင်လစာ ငွေများကို နိုင်ငံတော်အစိုးရက သတ်မှတ်ထားသောရုံးပိတ်ရက်များမှအပ ရုံးဖွင့်ရက်များတွင် ထုတ်ပေးလျက်ရှိရာ နံနက် (၈:၀၀)နာရီ မှ မွန်းလွဲ (၂:၀၀)ထိ ထုတ်ပေးသွား မည်ဖြစ်ပြီး အငြိမ်းစားဝန်ထမ်း ပင်စင်လစာထုတ်ယူမည့်သူ မြို့ ပြ ပင်စင် ( ၇၉၅)ဦး၊ ကာကွယ်ရေးပင်စင်( ၁၀၅၃)ဦး၊ နိုင်ငံရေးပင်စင် ( ၁၁၂) ဦး၊ ဘဏ်ပင်စင် (၁၇) ဦး စုစုပေါင်း (၂၃၇၇)ဦး ရှိကြောင်း သိရပါသည်။
အဆိုပါအငြိမ်းစားဝန်ထမ်းများ၏ ပင်စင်လစာများကြိုတင်ထုတ်ပေးခြင်းအား ကိုဗစ်-၁၉ ရောဂါ ကြိုတင်ကာကွယ်ရေးအတွက် ကျန်းမာရေးဝန်ကြီးဌာန၏ လမ်းညွှန်ချက်နှင့် အညီဆောင်ရွက် ပေးလျက်ရှိကြောင်း သိရသည်။
သတင်း - ကိုကိုမင်း
https://t.me/MyanmarNationalPost
No comments:
Post a Comment