MNP - မေ ၃၁
ရန်ကုန်တိုင်းဒေသကြီး၊ တောင်ပိုင်းခရိုင်၊ ကျောက်တန်းမြို့နယ်တွင် ၂၀၂၂-၂၀၂၃ ပညာသင်နှစ် ကျောင်းအပ်နှံရေးနေ့ အခမ်းအနားကို ယနေ့ နံနက် ၉ နာရီက မြို့မအခြေခံပညာ အထက်တန်းကျောင်း ရွှေသံလွင်ခန်းမ၌ ကျင်းပခဲ့သည်။
အခမ်းအနားတွင် မြို့နယ်စီမံအုပ်ချုပ်ရေးဥက္ကဋ္ဌ ဦးဘုန်းခန့်အောင်က အမှာစကားပြောကြားပြီး မြို့နယ်စီမံအုပ်ချုပ်ရေးအဖွဲ့ အဖွဲ့ဝင်(၁) ဗိုလ်မှူး မျိုးသက်နောင်နှင့် အဖွဲ့ဝင် (၂) ဦးစိုးမြင့်ကျော်မှ ကျောင်းနေအရွယ်ကလေးများအားလုံး အခမဲ့ကျောင်းအပ်နှံနိုင်ကြောင်း ဆွေးနွေးပြောကြားခဲ့သည်။ ထို့နောက် မြို့နယ်ပညာရေးမှူး ဒေါ်ခင်သန်းဦးမှ ၂၀၂၂-၂၀၂၃ ပညာသင်နှစ်၊ ကျောင်းအပ်နှံရေးနေ့ အခမ်းအနား ကျင်းပရခြင်း ရည်ရွယ်ချက်များကို ရှင်းလင်းပြောကြားကာ နိုင်ငံတော်က အခမဲ့ထောက်ပံ့ပေးသည့် ကျောင်းသုံးပုံနှိပ်စာအုပ်၊ ဗလာစာအုပ်၊ ခဲတံ၊ ကျောင်းဝတ်စုံနှင့် ကိုဗစ်ကာကွယ်ရေးပစ္စည်းများကို မြို့နယ်စီမံအုပ်ချုပ်ရေးဥက္ကဌ ဦးဘုန်းခန့်အောင်၊ မြို့နယ်စီမံအုပ်ချုပ်ရေး အဖွဲ့ဝင်များဖြစ်သော ဗိုလ်မှူး မျိုးသက်နောင်၊ ဦးစိုးမြင့်ကျော်နှင့် ဌာနဆိုင်ရာတာဝန်ရှိသူများက ကျောင်းသား/သူများထံ ပေးအပ်ခဲ့သည်။
ဆက်လက်၍ အလှူရှင်များမှ ကျောင်းအတွက် အလှူငွေများပေးအပ်ခဲ့ပြီး တာဝန်ရှိသူများက လက်ခံခဲ့ကြောင်းသိရသည်။
သတင်း - ဒေါ်အိသန္တာချို
မြန်မာနေရှင်နယ်ပို့စ်
No comments:
Post a Comment