MNP - မေ ၁၇
ရှမ်းပြည်နယ်(တောင်ပိုင်း)၊ လင်းခေးခရိုင်၊ မောက်မယ်မြို့နယ်တွင် ရှမ်းတိုင်းရင်းသားရိုးရာ ဓလေ့ထုံးတမ်းများနှင့် ရှမ်းတိုင်းရင်းသားစာပေများ မပျောက်ပျက်စေရန်ရည်ရွယ်၍ မြို့ပေါ်ရပ်ကွက်များ အတွင်းရှိ ကျောင်းသား/သူ လူငယ်များအား မြို့နယ် သံဃာ့နာယက ဆရာတော်မွေတော်ကျောင်း (အောင်မင်္ဂလာစာသင်တိုက်)မှဦးစီး၍ မြို့နယ်ရှမ်းစာပေနှင့် ယဉ်ကျေးမှုအသင်းနှင့် ပူးပေါင်းဖွင့်လှစ်သော နွေရာသီ အခြေခံဗုဒ္ဓဘာသာယဉ်ကျေးမှုနှင့် ရှမ်းတိုင်းရင်းသားစာပေကို ယနေ့နံနက် ၉ နာရီက မွေတော်ကျောင်း (အောင်မင်္ဂလာ စာသင်တိုက်) စာမေးပွဲဖြေဆိုကျင်းပခဲ့သည်။
ထိုသင်တန်းကို မွေတော်ကျောင်း (အောင်မင်္ဂလာစာသင်တိုက်)ရှိသံဃာတော်များနှင့် မြို့နယ် ရှမ်းစာပေနှင့် ယဉ်ကျေးမှုအသင်းဝင်များတို့က သင်ကြားပို့ချပေးပြီး ယနေ့တွင် အခြေခံဗုဒ္ဓဘာသာ ယဉ်ကျေးမှုသင်တန်းစာမေးပွဲလာရောက်ဖြေဆိုသူ မူလလတန်းဆင့် (၂၀)ဦးနှင့် ပထမတန်း(၇)ဦး စုစုပေါင်း(၂၇)ဦး၊ အခြေခံရှမ်းစာပေသင်တန်းတွင် လာရောက်ဖြေဆိုသူ (၁၃၉)ဦးရှိကြောင်း သိရသည်။
သတင်း - စိုင်းမျိုးသန့်
မြန်မာနေရှင်နယ်ပို့စ်
No comments:
Post a Comment