MNP ၊ မေ ၂၆
ရခိုင်ပြည်နယ်၊ မောင်တောခရိုင် ၊ မောင်တောမြို့နယ် ကျောက်ပန္ဒူကျေးရွာအုပ်စုတွင် တိုက်ပွဲရှောင် မြိုတိုင်း ရင်း သား အိမ် ထောင် စုများ အတွက် နေရာချထားပေးသည့် မြိုယုကျေးရွာသစ်၌ နေထိုင်လျက်ရှိသော မိသားစုများအား ခရိုင်/ မြို့နယ်စီမံ အုပ် ချုပ်ရေး အဖွဲ့၏ ကြီးကြပ်မှုဖြင့် မြို့နယ်ပြည်သူ့ကျန်းမာရေး ဦးစီးဌာနမှ ယမန်နေ့ နံနက်ပိုင်းက အဆိုပါကျေးရွာတွင် ကျန်း မာ ရေးစောင့်ရှောက်မှုများကွင်းဆင်းဆောင်ရွက်ခဲ့ကြသည်။
ထိုသို့ဆောင်ရွက်ပေးရာတွင် မောင်တောမြို့ပြည်သူ့ဆေးရုံ မြို့နယ်ကုသရေးဦးစီးဌာနမှူး ဒေါက်တာနုကေသီစံ ဦးဆောင်၍ ကျန်းမာရေးဝန်ထမ်းများက ကျောက်ပန္ဒူကျေးရွာအုပ်စု ၊ မြိုယုကျေးရွာသစ်၌ နေထိုင်လျက်ရှိသော မိသားစု များ အား ကိုဗစ်ကာကွယ်ဆေး မထိုးနှံရသေးသည့် သူများအား ကာကွယ်ဆေး ထိုးနှံပေးခြင်း ၊ ငှက်ဖျားပိုးရှိ/မရှိ စစ်ဆေး ခြင်း ၊ HIV & Syphilis ပိုးရှိ / မရှိ စစ်ဆေးခြင်း ၊ ကျန်းမာရေး အသိပညာပေးဟောပြောခြင်း ၊ အသိပညာပေး လက်ကမ်း စာစောင်များ ဖြန့်ဝေပေးခြင်း ၊ မြိုတိုင်းရင်းသားအိမ်ထောင်စုများအတွက် ခြင်ထောင် (၁၁၀)လုံးအား ရွာသူ/ရွာသား များ ထံ အသီးသီးထောက်ပံ့ပေးခဲ့ကြောင်းသိရသည်။
အဆိုပါ မောင်တောမြို့နယ် ၊ ကျောက်ပန္ဒူကျေးရွာအုပ်စု ၊ မြိုယုကျေးရွာတွင် မြိုတိုင်းရင်းသား အိမ်ထောင်စု (၅၄) စု ၊ အမျိုးသား ၁၇၄ ဦး ၊အမျိုးသမီး ၁၆၇ ဦး စုစု ပေါင်း ၃၄၁ ဦးတို့မှ ယခုလက်ရှိ လာရောက်နေထိုင် လျှက်ရှိ ကြောင်း သိရသည်။
သတင်း - သက်လွင်စိုး
https://t.me/MyanmarNationalPost
No comments:
Post a Comment