မောင်တောမြို့နယ် ရွာသစ်ကေကျေးရွာတွင် စိတ်ကြွဆေးပြားများနှင့်အတူ သုံးစွဲသူများ ဖမ်းဆီးရမိ

MNP ၊ မေ  ၂၉

ရခိုင်ပြည်နယ် ၊ မောင်တောမြို့နယ်  ရွာသစ်ကေကျေးရွာတွင်  မေ ၂၈ ရက်နေ့ (၀၅:၀၀)အချိန်ခန့်က စိတ်ကြွ ဆေးပြား များနှင့်အတူ သုံးစွဲသူများ ဖမ်းဆီးရမိ  ခဲ့ကြောင်း သိရသည်။ 

ဖြစ်စဉ်မှာ လုံခြုံရေးတပ်ဖွဲ့ဝင်များ ပူးပေါင်းအဖွဲ့သည်  သတင်းအရ မြို့မအရှေ့ရပ်ကွက် ၊ ရွာသစ်ကေ(အရှေ့)ရွာ နေ ဆူရက်တာဘော်၏ နေအိမ်အား ဝင်ရောက်ရှာဖွေရာ နေအိမ်အတွင်း ၎င်းနှင့်အတူ ဇူဘိုင် ၊ အဒူဟားမား ၊ဆွေယော့နုရ် ၊ အီစ္စမိုင် ၊ မာမတ်ရှာ ၊ မာမတ်စီဒိလ် ၊ကျော်သန်းဝင်း ၊ သန့်ဇင်ထူးတို့အား ဝိုင်းဖွဲ့ထိုင်လျှက်တွေ့ရှိပြီး အဒူဟားမား၏  ဘယ်ဘက်ပေါင်အောက်မှ Global စာတမ်းတံဆိပ်ပါ အနီရောင် ဆေးလိပ်ဗူးခွံအတွင်း  ပလက်စတစ်အိတ်အဖြူရောင်ဖြင့် ထုတ်ထားသော  WY နှင့် R စာတမ်းပါလိမ္မော်ရောင် စိတ်ကြွရူးသွပ် ဆေး ပြား (၃)ပြား ၊ မာမတ်စီဒိလ်၏ ဘယ်ဘက် တင် ပါး အောက်မှ အနက်ရောင်ကြွပ်ကြွပ်အိတ် အပိုင်းအစဖြင့်  ထုတ်ထားသော WY နှင့် R စာတမ်းပါလိမ္မော်ရောင် စိတ် ကြွ ရူးသွပ် ဆေး ပြား (၄)ပြား၊ မာမတ်ရှား၏ ယာဘက်လက်အတွင်းမှ ယာဘက်လက်အတွင်းမှ  လွှင့်ပစ်၍ ကျော်သန်းဝင်း နှင့် သန့်ဇင်ထူး(၂)ယောက်ကြားတွင် တွေ့ရသော အနက်ရောင်ကြွပ်ကြွပ်အိတ် အပိုင်းအစဖြင့်  ထုတ်ထားလျှက် အပြာ ရောင် ကပ်ခွာအိတ်အတွင်းWY နှင့် R စာတမ်းပါလိမ္မော်ရောင် စိတ် ကြွ ရူးသွပ် ဆေး ပြား (၁၈၅)ပြား၊ စုစုပေါင်း ဆေး ပြား (၁၉၂)ပြား ၊ အလေးချိန်(၁၉.၂)ဂရမ်ခန့်  ၊ ဆွေယော့နုရ်  နှင့် အီစ္စမိုင် တို့ကြားမှ မူးယစ်ဆေးဝါးသုံးစွဲရာတွင် အသုံးပြုသည့် Royal Tiger တံဆိပ်ပါ အညိုရောင်  အချိုရည် ဗူးခွံဘေး၌ ဖောက်၍ အဖြူရောင်ပိုက်တပ်ထားသော  ဗူးခွံတစ်ခု ၊ မူးယစ် ဆေးဝါးသုံးစွဲရာတွင် အသုံးပြုသည့် ငွေရောင်ခဲစက္ကူပိုင်း(၁) ခု ၊အဖြူရောင်ဂစ်မီးခြစ်တစ်လုံးတို့အား တွေ့ရှိသိမ်းဆည်းပြီး  မူးယစ်စိတ်ကြွရူးသွပ်ဆေးပြားများ နှင့် ဆေးသုံးစွဲရာတွင် အသုံးပြုသည့် ဆက်စပ်ပစ္စည်းများ နှင့်အတူ လက်ဝယ်တွေ့ရှိ သူ များဖြစ်သော ဆူရက်တာဘော်(ဘ)အဒူဂေါ်ဖော့ ၊  ဇူဘိုင်(ဘ)အဒူရှုကူ ၊ အဒူဟားမား(ဘ)အဒူဆလာမ် ၊ ဆွေယော့ နုရ်(ဘ)နူရ်အာလောင်  ၊ အီစ္စမိုင်(ဘ)နော်ဇီအာမတ် ၊ မာမတ်ရှာ (ဘ) ဆွေယော့အီလာမ် ၊ မာမတ်စီဒိလ် (ဘ) ကော်ဘိရ် ရွာသစ်ရပ်ကွက်နေထိုင်သူများ၊ ကျော်သန်းဝင်း (ဘ)ဦးကောင်းစိန် (၃)မိုင်ရပ်ကွက် ၊ဝေသာလီကျေးရွာနေသူ  နှင့် သန့်ဇင်ထူး(ဘ)ဦးမျိုးမြင့် ၊ မြို့မအနောက်ရပ်ကွက် ၊ အလယ်ရွာနေသူတို့(၉)ဦးအား မြို့မရဲစခန်းတွင်  မယ(ပ)၁၈/၂၀၂၂ ၊ မူး/စိတ်ပုဒ်မ ၁၉(က)/၂၁ အရ အမှုဖွင့်လှစ်ကာ အရေးယူနိုင်ရေး  စီစဉ် ဆောင်ရွက် လျက်ရှိကြောင်း သိရသည်။

ဝေလ(မောင်တော)

https://t.me/MyanmarNationalPost