MNP - မေ ၁၉
ထားဝယ်တက္ကသိုလ်၊ ၂၀၂၂-၂၀၂၃ ပညာသင်နှစ်၊ မောင်မယ်သစ်လွင်ကြိုဆိုပွဲ အခမ်းအနားကို ယနေ့နံနက် ၁၀ နာရီခွဲက ထားဝယ်တက္ကသိုလ်ဘွဲ့နှင်းသဘင်ခန်းမ၌ကျင်းပခဲ့ရာ ရှေးဦးစွာ တက္ကသိုလ် အနုပညာအသင်းမှ ကျောင်းသား/ကျောင်းသူများက မြကျွန်းညိုညိုတက္ကသိုလ်သီချင်းဖြင့် အခမ်းအနားကို သီဆိုဖျော်ဖြေဖွင့်လှစ်ခဲ့သည်။
အခမ်းအနားတွင် တိုင်းဒေသကြီးဝန်ကြီးချုပ် ဦးမြတ်ကိုက ကြိုဆိုနှုတ်ခွန်းဆက်စကား ပြောကြားရာတွင် တက္ကသိုလ်ဆိုသည်မှာ ပညာရပ်များ သင်ကြားဆည်းပူးရာ နေရာဌာနကြီး ဖြစ်ရုံသာမက စာပေ၊ ဂီတ၊ အနုပညာ၊ အားကစားနှင့် လူမူရေး ဝါသနာပါသော ကျောင်းသား၊ ကျောင်းသူများအား မြေတောင် မြှောက်ပေးရာ နေရာဌာနကြီးဖြစ်ကြောင်း၊ တက်ကြွနိုးကြားသော လူငယ်ပညာရှင်များနှင့်ပညာရည်ပြည့်ဝသော လူ့စွမ်းအားအရင်းအမြစ်များ ပေါ်ထွန်းလာရန် ဆရာ/မများနှင့် ပူးပေါင်းဆောင်ရွက်ရန်လည်း လိုအပ်ကြောင်း၊ စာပေကို ချစ်မြတ်နိုးစွာ လေ့လာဆည်းပူးခြင်းမှတစ်ဆင့်ကျယ်ဝန်းနက်ရှိုင်းသော ပညာရပ်များကို ခံစားသိမြင်လာနိုင်မှာ ဖြစ်ပါကြောင်း၊ မောင်မယ်သစ်လွင်ကျောင်းသား၊ ကျောင်းသူများအနေဖြင့် စည်းကမ်းကောင်းသူ၊ ကြိုးစားသူ၊ ရိုးသားသူများ ဖြစ်ရန်လိုအပ်ကြောင်း၊ အရည်အသွေးရှိပြီး ယှဉ်ပြိုင်နိုင်စွမ်းရှိသည့် ဘွဲ့ရလူငယ် မောင်မယ်များဖြစ်ရန် လိုအပ်ကြောင်းပြောကြားသည်။
ထို့နောက်တက်ရောက်လာသော ဧည့်သည်တော်များအား ကျောင်းသား/သူများက ထားဝယ်ရိုးရာအကဖြင့် သီဆိုကပြဖျော်ဖြေခဲ့ကြပြီး တိုင်းဒေသကြီးဝန်ကြီးချုပ်ဦးမြတ်ကို၊ တိုင်းဒေသကြီး တရားလွှတ်တော်တရားသူကြီးချုပ် ဒေါ်ပိုက်ပိုက်အေးနှင့် တာဝန်ရှိသူများက ထားဝယ်တက္ကသိုလ်၌ ခင်းကျင်းပြသထားသော ဘာသာရပ်အလိုက်ဆိုင်ရာ ပြခန်းများအား ကြည့်ရှု အားပေးခဲ့ကြောင်း သတင်းရရှိသည်။
မြန်မာနေရှင်နယ်ပို့စ်
No comments:
Post a Comment