MNP ၊ မေ ၂၇
မွန်ပြည်နယ်၊ပေါင်မြို့နယ်တွင် သံလွင်မြစ်ရေ တိုက်စားမှုကြောင့် ဘေးလွတ်ရာသို့ပြောင်းရွှေ့သည့် နေအိမ် (၇)လုံးအား အိမ်တိုင်ရာရောက် ထောက်ပံ့ငွေများ ပေးအပ်ခြင်းကို ယမန်နေ့ညနေပိုင်းက ပြုလုပ်ခဲ့ကြသည်။
မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးသိုက်ထွန်း၏ ဦးဆောင်မှုဖြင့် မြန်မာနိုင်ငံရဲတပ်ဖွဲ့၊မြန်မာနိုင်ငံ မီးသတ်တပ်ဖွဲ့ဝင်များ၊ကြက်ခြေနီတပ်ဖွဲ့ဝင်များ က လက်ပံကျွန်းကျေးရွာ ကုလားစုရွာ၌ နေအိမ် (၇)လုံးအားဘေးစီမံဦးစီးဌာန မှပေးအပ်သောထောက်ပံ့ငွေ (၇၅၂၅၀ဝိ/-)ကျပ် အား အိမ်တိုင် ရာရောက်သွားရောက်ထောက်ပံ့ပေးအပ်ခဲ့ကြပြီး ပြောင်းရွှေ့နေသည့်နေအိမ်များအားလည်းကူညီပြီး ပြောင်းရွှေ့ ပေးခဲ့ကြောင်း သိရသည်။ယနေ့နံနက်ပိုင်းတွင်လည်း သဲဖြူကုန်းကျေးရွာရှိ ရဲပြားကုန်းရွာ တွင် အမိုးလန်သွားသည့်နေအိမ်အား ငွေကျပ် (၈၆၂၀ဝိ/-)အား ထောက်ပံ့ပေးအပ်ခဲ့ကြောင်းသတင်းရရှိသည်။
လက်ပံကျွန်းကျေးရွာသည် မုတ္တမပင်လယ်ဂွေ့ အတွင်းကျွန်းတစ်ကျွန်းဖြစ်ပြီး ရာသီပေါ်သီးနှံများကို စိုက်ပျိုးသည်နှင့်အညီ နှုန်းမြေများဖြင့်ဖွဲ့စည်းထားသည့် ကျွန်းတစ်ကျွန်း ဖြစ်သည်နှင့်အညီ မြေပြိုကျမှုများလည်း ရံဖန်ရံခါ ဖြစ်ပေါ်မှုများရှိနေခဲ့ကြောင်းသိရသည်။
သတင်း - မွန်မလေး
https://t.me/MyanmarNationalPost
No comments:
Post a Comment