MNP - မေ ၂၄
ပဲခူးတိုင်းဒေသကြီး၊ ပြည်ခရိုင်၊ ပေါင်းတည်မြို့နယ်တွင် ကိုဗစ်-၁၉ ရောဂါ ကာကွယ်ဆေးရာနှုန်းပြည့် ထိုးနှံနိုင်ရေးအတွက် ယမန်နေ့ နံက်ပိုင်းက မြို့နယ်အတွင်းရှိ ဆေးထိုးစုရပ် ၁၀ နေရာတွင် ဦးတည်အုပ်စုအလိုက် ကိုဗစ်-၁၉ ရောဂါ ကာကွယ်ဆေး ထိုးနှံရန်ကျန်ရှိနေသည့် ပြည်သူများအား ကိုဗစ်-၁၉ ရောဂါ ကာကွယ်ဆေး ဆက်လက် ထိုးနှံပေးခဲ့ကြောင်း သိရသည်။
အဆိုပါ ဆေးထိုးနှံမှုကို မြို့နယ်စီမံအုပ်ချုပ်ရေးအဖွဲ့၏ အနီးကပ်ကြီးကြပ်မှုဖြင့် မြို့နယ်ပြည်သူ့ကျန်းမာရေးဦးစီးဌာနမှ ဝန်ထမ်းများက အသက် ၁၈ နှစ်အထက် ပြည်သူ ၂၇၁ ဦးကို ဒုတိယကြိမ် Covishield ကိုလည်းကောင်း၊ အသက် ၁၅ နှစ်မှ ၁၈ နှစ်အတွင်းရှိ ပြည်သူ ၈၈ ဦးအား ဒုတိယအကြိမ် sinovac ကိုဗစ်-၁၉ ရောဂါ ကာကွယ်ဆေးအားလည်းကောင်း၊ အသက် ၅၀ နှစ်အထက် ပြည်သူ ၄ ဦးအား Booster Dose ထပ်ဆောင်းဆေး Covishield ကိုဗစ်-၁၉ ရောဂါ ကာကွယ်ဆေး အားလည်းကောင်း ထိုးနှံပေးခဲ့ကြောင်း မြို့နယ် ကိုဗစ်-၁၉ ရောဂါ ကာကွယ်တားဆီးထိန်းချုပ်ရေးနှင့် အရေးပေါ်တုံ့ပြန်ရေး ကော်မတီထံမှ သိရသည်။
သတင်း - အေးအေးဆင်
မြန်မာနေရှင်နယ်ပို့စ်
No comments:
Post a Comment