MNP - မေ ၂၃
မန္တလေးတိုင်းဒေသကြီး၊ ညောင်ဦးမြို့နယ် တောင်ဇင်းတိုက်နယ်အတွင်းရှိ သောက်သုံးရေအကူအညီတောင်းခံလာသည့် တောဇွန်တဲတိုက်သို့ ယနေ့နံနက် ၁၀ နာရီခွဲအချိန်က တောင်ဇင်းနယ်မြေမီးသတ်စခန်းမှ သောက်သုံးရေဂါလံ ၁၆၀၀ လှူဒါန်းခဲ့ပေးခဲ့ကြောင်း သိရသည်။
ညောင်ဦးမြို့နယ် တောင်ဇင်းနယ်မြေအတွင်းရှိ သောက်သုံးရေလိုအပ်နေသော တောဇွန်တဲတိုက်သို့ တောင်ဇင်းနယ်မြေမီးသတ်စခန်းမှ တပ်ကြပ်ကြီးငြိမ်းချမ်းနိုင် ဦးဆောင်သော မီးသတ် တပ်ဖွဲ့ဝင် သုံးဦးသည် သောက်သုံးရေ ၁၆၀၀ဂါလံကိုသွားရောက်လှူပေးခဲ့ကြောင်း သိရသည်။ ညောင်ဦးမြို့နယ်အတွင်းရှိ သောက်သုံးရေလိုအပ်လျက်ရှိသောကျေးရွာများ၊ တဲတိုက်များ အမြောက်အများရှိနေပြီး၊ ညောင်ဦးမြို့နယ်မီးသတ်ဦးစီးဌာနအနေဖြင့်သောက်သုံးရေအကူအညီ တောင်းခံလာပါက မိမိဌာနလုပ်ငန်းများအပြင်၊ ပြည်သူ့အကျိုးပြုလုပ်ငန်းများကိုလည်း ကူညီဆောင်ရွက်ပေးနေကြောင်း သိရသည်။
သတင်း - ကိုထိန်
မြန်မာနေရှင်နယ်ပို့စ်
No comments:
Post a Comment