MNP - မေ ၂၉
မကွေးတိုင်းဒေသကြီး နတ်မောက်မြို့နယ်၌ ၂၀၂၂-၂၀၂၃ ပညာသင်နှစ် ကျောင်းအပ်နှံရေးနေ့ အခမ်းအနားကို ယနေ့နံနက် ၉ နာရီခွဲတွင် အမှတ်(၁)အခြေခံပညာအထက်တန်းကျောင်းတွင် ကျင်းပခဲ့သည်။
အခမ်းအနားတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးသန့်စင်က ပြောကြားရာတွင် ကျောင်းနေအရွယ်ကလေးများ ကျောင်းအပ်နိုင်ရေးအတွက် ကျောင်းသားမိဘများနှင့် ရပ်မိရပ်ဖများက ဝိုင်းဝန်းဆောင်ရွက်ပေးကြရန်၊ ကလေးများ၏ အနာဂတ်လှပစေရန်အတွက် ဆရာ၊မိဘ၊ကျောင်းသား လက်တွဲညီစွာဖြင့် ပူးပေါင်းဆောင်ရွက်ကြရန်တို့ကို ပြောကြားခဲ့သည်။ ထို့နောက် မြို့နယ်ပညာရေးမှူး ဦးကျော်စိုးဝင်းက ၂၀၂၂-၂၀၂၃ ပညာသင်နှစ် ကျောင်းအပ်နှံရေးအခြေအနေများကို ရှင်းလင်းတင်ပြခဲ့သည်။ ဆက်လက်ပြီး အခမဲ့ကျောင်းသုံးပုံနှိပ်စာအုပ်များ၊ ဗလာစာအုပ်များ၊ ခဲတံ၊ ဘော့ပင်၊ ဘောလုံး၊ Mask , Face Shield တို့ကို မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့် အဖွဲ့ဝင်များ၊ ဌာနဆိုင်ရာများက အခြေခံပညာကျောင်းများရှိ တာဝန်ခံကျောင်းအုပ်များထံပေးအပ်ခဲ့ကြောင်း သိရသည်။
သတင်း - လှဝင်း
မြန်မာနေရှင်နယ်ပို့စ်
No comments:
Post a Comment